Ember (已結業)

今日系我last day返工，夜晚特登叫男朋友同我一齐食饭庆祝下，离开地狱。首先送上餐包，口感好软熟，我钟意食。精选餐汤系大蒜薯仔忌廉汤，薯仔味好出，又唔会粉粉地，几好。前菜有鲜青口意大利粉｜蓝芝士忌廉汁。第一次前菜食得甘丰富。摆算好精致，青口有三只，忌廉汁都好creamy。北海道带子刺身薄切｜黄金意大利饭，带子刺身好鲜嫩，意大利饭有粟米系入面，都几夹。主菜有咸蛋黄虾龙虾尾｜龙虾汁扁意粉，龙虾汁意粉比较清爽，龙虾尾啖啖肉，配以咸蛋黄，几好食。烤美国熟成肉眼扒10oz大大块，配菜有薯仔、菠菜同小番茄，菠菜好好食。两杯Cocktails: Old Fashioned同Mojito。Mojito好清新。Old Fashioned威士忌味好香浓。顺带一提，呢间唔收切饼费，超好。