Gees Restaurant & Bar (已結業)

好姊妹同我庆生，话说我bookmark左呢个地方好耐，今次终于可以试下喇！呢度环境够晒宁静舒适，而且都几有情调，啱晒d情侣黎庆祝生日/纪念日 （虽然我唔系XD)。相信黎得呢度，都会必试招牌蟹饼。一般蟹饼都混入左面粉，呢度就用料十足，食落啖啖蟹肉，味道仲好鲜甜，加埋d洋葱香喷喷，好想一个人食晒佢 lol我地仲试左个鹅肝两食嘅头盘，一个系冻食，应该系用酒浸过，食落甘香醇厚，配埋腌过嘅洋葱，放喺脆脆嘅面包上面，so yum！ 而另一个就系煎鹅肝，配埋caramel pineapple，多左份果香，放喺甜甜地嘅面包上面，系晚餐完美嘅序幕！主菜方面，我地点左Iberico Pork Chop，佢d食材真系唔错，块猪烧得啱啱好，食落充满肉香，个汁加左荔枝去煮，配搭几特别，唔会好甜，味道几讨好。旁边嘅配菜都唔马虎，特别系d芦荀，好鲜嫩多汁。另外，我地仲点左Seafood Fettuccine，几样海鲜入面我最钟意带子，因为只系轻轻煎过，食落好软熟又鲜甜；虎虾大大只，肉质爽弹，够新鲜，都好正；个斑就淡口d，不过都几滑，唔会好干；宽条面挂上用虾煮成嘅汁，鲜味十足！最后，我地当然用左另一个胃去试甜品啦 X