蠔灣 (金巴利道)

营业中

休息中

同朋友庆生，紧系要食高质同埋有特色㗎喇，所以我超级推荐依一间餐厅，依间餐厅除咗有唔同种类嘅蚝之外，居然有劲少见嘅龙虾刺身，亦都有辣嘅龙虾汤，非常之有特色！首先讲吓佢嘅蚝，佢有超过20种唔同嘅蚝，款款味道都唔同，如果唔识拣嘅话亦都可以问职员推介返。我哋今次就分别叫咗Gillardeau，Speciales de claire，Cocollos，Tarbouriech Oyster，Masses生蚝，味道由淡到浓，食落非常新鲜，简直系味蕾嘅享受。同时我哋仲叫咗龙虾刺身，带子同埋赤贝，佢嘅龙虾刺身超级爽口弹牙，一定要食！而其他都非常之新鲜，个老细仲讲，佢哋啲海鲜系每日新鲜运嚟！蚝都系每星期运一次。而佢嘅龙虾汤嘅龙虾味好浓郁，而且有得拣辣，或者唔辣，非常之惊喜。龙虾意粉亦都相当之唔错，非常入味。如果想同朋友食好野嘅话，一定要试吓呢一间。