影片
更多
2024-07-21
4693 浏览
朋友生日要求呢啲間餐廳食飯，今次係我第二次食呢間餐廳。餐廳環境氣氛好好，晚市全場滿座，如果嚟食最好就book定位先。 前菜我哋叫咗凍蟹肉千層 ，三文魚他他同埋燒雞沙律🥗三樣入面最鍾意係三文魚他他，配埋蛋黃口感滑滑哋，入面有啲青瓜、紅蔥頭等等，無咁單調，唔會好重調味幾開胃，麵包略嫌唔夠脆，少少煙韌。主食叫左龍蝦意大利飯🦞，香蒜橄欖油意大利麵，400g肉眼牛扒🥩同埋招牌忌廉青口。龍蝦意大利飯有成隻龍蝦喺面，肉質彈牙，唔係霉霉地嗰種，蕃茄底嘅意大利飯就正正常常，無咩特別，勝在有大大隻龍蝦肉。反而香蒜橄欖油意大利麵有驚喜，蒜蓉橄欖油味好香好掛汁，意大利麵質彈牙，唔會煮得過腍。呢間最好食係佢嘅招牌忌廉青口，青口新鮮，忌廉汁帶少少鹹味，有啲細粒洋蔥蘿蔔，好味到直頭當湯咁飲，每個人都食足10幾隻。朋友生日叫咗個窩夫🧇嚟食，會有職員一邊播生日歌一邊拎個蛋糕出嚟，一排職員為朋友唱生日歌，好有氣氛。全晚差唔多有六七台客人慶祝生日，睇嚟好多人都會揀呢間餐廳嚟慶生。整體嚟講食物都有質素，無一樣特別唔好食嘅食物，有機會會想再嚟食😋
前菜我哋叫咗凍蟹肉千層 ，三文魚他他同埋燒雞沙律🥗
三樣入面最鍾意係三文魚他他，配埋蛋黃口感滑滑哋，入面有啲青瓜、紅蔥頭等等，無咁單調，唔會好重調味幾開胃，麵包略嫌唔夠脆，少少煙韌。
主食叫左龍蝦意大利飯🦞，香蒜橄欖油意大利麵，400g肉眼牛扒🥩同埋招牌忌廉青口。
龍蝦意大利飯有成隻龍蝦喺面，肉質彈牙，唔係霉霉地嗰種，蕃茄底嘅意大利飯就正正常常，無咩特別，勝在有大大隻龍蝦肉。
反而香蒜橄欖油意大利麵有驚喜，蒜蓉橄欖油味好香好掛汁，意大利麵質彈牙，唔會煮得過腍。
呢間最好食係佢嘅招牌忌廉青口，青口新鮮，忌廉汁帶少少鹹味，有啲細粒洋蔥蘿蔔，好味到直頭當湯咁飲，每個人都食足10幾隻。
朋友生日叫咗個窩夫🧇嚟食，會有職員一邊播生日歌一邊拎個蛋糕出嚟，一排職員為朋友唱生日歌，好有氣氛。全晚差唔多有六七台客人慶祝生日，睇嚟好多人都會揀呢間餐廳嚟慶生。
整體嚟講食物都有質素，無一樣特別唔好食嘅食物，有機會會想再嚟食😋
张贴
