Vision 8

一入到餐厅，就会见到对住门口嘅花花墙🌸，同埋有块钉满即影即有相片嘅板，仲有播住英文情歌🎶，觉得几好气氛。之后店员就好客气咁招呼我地，递上menu。我地点左一个黑松露菌威灵顿牛柳🥩，一个蜜汁烧德国咸猪手🍖。店员仲好细心问我地想一齐上菜各自食，定系分开上菜share食，因为担心啲食物冻咗会影响质素。最后我哋问过佢意见，决定食咗威灵顿牛柳先，再上咸猪手。威灵顿牛柳嘅表面系一个大酥皮，店员先俾我哋影相再帮我哋切开3份。牛柳大概系七成熟，肉质啱啱好而且肉味香浓。配上黑松露菌同酥皮，一齐放入口有一种好match又好rich嘅感觉😋配菜都唔马虎，有一片片焗薯同一啲蔬菜，焗薯配有芝士，口感丰富。我哋食到差唔多，店员就示意我哋准备上猪手。同样系先俾我哋影相，再帮我哋切开。猪手脚皮烧得啱啱好，因为用蜜糖烧所以有甜甜地嘅味道🍯，加上烧到脆卜卜，配上热辣辣嘅猪手肉🔥，又系一个好match嘅感觉。不过猪手本身冇乜味，要用佢俾我哋嘅bbq酱调味，有少少美中不足。因为系生日dinner，订枱嘅时候都一早order左心太软再加写名。当我哋都食到七七八八，店员就好识做咁端出心太软同蜡烛，仲主动问我哋使唔使帮手影相。心太