悅滿軒

一年一度同男朋友纪念日🥰当然要一齐出动去食翻餐好嘅 于是去咗呢间主打食法国菜嘅餐厅🇫🇷头盘叫咗生蚝 六只 Louet Fiesser 同埋 六只 Yellow Gem 前者Louet Fiesser 来自爱尔兰🇮🇪 带榛子果仁爽脆嘅口感 有比较浓重嘅金属味后者 Yellow Gem 系来自太平洋嘅黄水晶生蚝🌊 海水味淡 蚝肉肉质非常滑溜味道各花入各眼👀主食叫咗烤酿智利海鲈鱼配地中海汁海鲈鱼原条连头连尾上碟烤到表皮金黄色十分香脆 鱼肉依然保持到鲜嫩多汁🐟另一份叫咗个意大利粉配薄切西班牙红虾意粉弹牙有嚼劲 带香浓嘅虾鲜味配上薄切嘅西班牙红虾垫喺意粉底部 吸哂意粉嘅味道🦐