Carbone

营业中

休息中

揾间米芝莲餐厅同老婆庆祝结婚周年，行上兰桂坊系有啲攰。间餐厅装修如梳化、中间的酒吧、吊灯，都充满外国古典味道，楼底唔高，但系冇乜冷气，一坐低感觉有少少焗，但系真系好浪漫。侍应即刻新鲜切咗两旧芝士。几款面包都好香脆新鲜，芝士味同蕃茄味都好重，cold cut 有少少漏同埋咸，加上新鲜切嘅芝士味道好浓，真系要一路食面包去中和返。侍应即刻系你面前整嘅新鲜凯撒沙律，最出色系顶头最后加个几条鱼仔，同埋香脆嘅面包，炸面包仲有啲甜甜地，配上新鲜香甜嘅罗马生菜，同埋大量芝士，份量又大，唔怪得知几乎都见到有人嗌。龙虾意大利云吞，酱汁creamy，有用龙虾肉粒，上碟已经分好二人份量，眼看份量唔多，但其实好漏好饱，味道浓真系好好味。换上咁靓嘅甜品碟，几个侍应过嚟唱歌，送上甜品，同埋即影即有相片。佢哋甜品好特别，冇Menu，喺架车度自己拣。Tiramisu 蛋糕牌老婆自己加，好衬佢哋𠮶甜品同埋只碟。