Simplylife Bakery Cafe (已搬遷) 新店位置

接近圣诞节想食西餐庆祝，拣左食simplylife。拣左一个肉眼扒同一个冬䕃公有机糙米饭。跟餐(加钱)可以加汤同冰茶。咁啱今日系女朋友钟意既磨菇汤，所以就决定试下。上主菜前有包送，法包比较硬，又冻冻地，但好彩汤接住到，浸住包黎食就刚刚好。磨菇汤本身系几浓菇味，食到啲搅碎左既菇粒唔系斋汤，算有啲口感，但略嫌唔够creamy，都算唔错既。肉眼扒几大份，薯条唔多，黎到既时候已经凉左，啲薯条食落口淋淋地，配菜一般，个扒叫五成但上到黎血水多到漏出黎(未切都成pat血水系碟) ，好彩平时食得生既，所以都接受到。块扒外层煎得几香口，肉质都算嫩！反而冬䕃公饭有惊喜！个汁系偏酸无乜辣，加上食得出有啲泰国香料一齐煮，几特别，都有啲海鲜，虽然啲海鲜普普通通！但其实呢个份量都几少，只碟好浅，啲饭煮得唔够淋，但好彩胜在汁既味道补救。又一城黎讲，性价比算系okay，如果饭既分量多啲就再好啲！同埋加汤同野饮要30$ 再加一，埋单成四百零蚊，大时大节先会食。