影片
开饭介绍
餐厅充满欧陆时尚格调，气氛休闲，提供自制的面包及意大利面。
继续阅读
奖项殊荣
最优秀开饭西式餐厅 (2014-16), 最优秀九龙城区开饭热店 (2016)
特色
饮o野倾计
营业时间
今日营业
08:00 - 22:00
星期一至日
08:00 - 22:00
以上资料只供参考，请与餐厅确认详情
食家推介
-
南瓜湯
-
沙律
-
車打芝士煙肉牛肉漢堡
-
冰茶
-
Beef Burger+26
相关文章
假日嚟到又一城，真係好多人！今次揀咗呢間餐廳都等咗差唔多半個鐘。因為有六個人嘅關係所以俾咗兩張細圓枱我哋，座位舒適度嚟講就真係差啲啦，嘢食唔係好夠放之餘，亦都好難share嘢食。是日餐湯係粟米湯，飲落去又粒粒粟米響入邊，都算幾足料。個包就略嫌有啲硬。車厘茄蟹肉手饗扭紋粉呢個味道唔錯，佢食落去一啲都唔鹹，而且食到蕃茄蓉入邊，酸酸地咁幾開胃，係意粉份量比較少，不過佢都幾有咬口，唔錯。煙肉雞蛋薄餅食落去唔係好似卡邦尼既味，係蛋黃汁加煙肉加蛋嘅味道混合，薄餅底都算脆，中間隻蛋有小小流心係加分位。焦糖香蕉法式多士•煙肉•楓糖忌廉焦糖味幾香，加上多士都幾脆口，連埋楓糖忌廉一齊食都幾好味！不過就食唔慣煙肉配多士，鹹鹹甜甜感覺麻麻布里芝士牛肉漢堡 伴薯條牛肉漢堡味道就普普通通，牛肉就有啲乾身啦，反而薯條就炸得唔錯。加配嘅香蕉批都幾好味，食落去咁烏市嘅順滑，而且有淡淡嘅香蕉味，個撻皮幾鬆脆，唔錯冰茶、熱咖啡佢哋啲餐飲要加錢，如果唔想加錢嘅就係飲冰茶，味道都OK，但係要飲咖啡就要加錢，感覺有啲唔抵。呢間餐廳嘢食算係OK，不過如果多人嚟就唔建議啦，因為座位麻麻，而且等野食時間都比較耐，唔太建議假日過嚟等位。
继续阅读
直到埋單的一刻，我都沒有再「琢磨」lunch menu 上的價錢。就咁匆匆走了，自己太過愚蠢！請大家可以看一看圖片。你看到lunch menu 上的「神奇條款」，你就「叻👍」啦，如果你看不到的話，你好似我咁⋯⋯是一個「一窩蜂」的凡人。今日約咗朋友去食又一城的Simplylife 「美心集團」，呢間在又一城食肆中，好多人幫襯，非常開心，由於今日遲去，朋友已入座及「開動中⋯⋯食緊」，他提議我食「LUNCH MENU」上的羊架，他說非常好食，咁我二話不說，沒有再細看LUNCH MENU 上的選擇，照落order 一客羊架《七成熟》加沙律及冰茶。等了一陣子，羊架終於到手⋯⋯大大件，足足有三件，切開見到肉色美麗⋯⋯七成熟，食落好JUICY，好入味，一點羊的臊味都沒有，加上碟上薯蓉，配搭得宜。😊講回正題，食完之後結賬，神奇事件發生：一客七成熟羊架承惠港幣268元及沙律承惠港幣10元及冰茶免費外加一服務費⋯⋯總數是港幣305.8元，WOW，太厲害喇！自己利申一下：我幫襯這間又一城美心SimplyLife 時，午餐只是港幣100元有找幾塊錢。雖然巳加了幾次價錢，仍在港幣150元以下，我認為勉強可以接受一下。
继续阅读
今晚好友相約食晚飯一齊想鋸個扒 傾吓偈相約了在又一城見面揀了澳洲肉眼7成熟呢塊扒賣相同味都不錯真係有鐵板烤過嘅味道不過藍莓芝士餅就麻麻地我位識食好友一食就問中間係咪沙冰咁未融🤣@simplylife_official #simplylife #hk #klntong #westernstyle #restaurant #festivalwalkhk #dinner #chill #bff #chattime #busywork #treatyourself
继续阅读
多年冇光顧simplylife，朋友想食，就嚟咗佢的九龍塘分店。午市尾聲到達，食客迫爆，店員話用餐限時1小時，比好多餐廳嚴。但由於我哋嚟到已近1330，坐下坐下，食客走完一檯又一檯，再冇限時要求，可任坐。一共點咗3個午餐（$128），包包主菜同罐裝飲品，如可樂、梳打水。午餐加$10會有餐湯/沙律配法包，另外亦可額外以優惠價加點各款咖啡/飲品（咖啡細杯~$21，大杯~$26）。咁樣點的話，連加一，午餐~$180/人，消費唔低。另外，我哋仲點咗2款分別外賣係$38的甜品，堂食加一。沙律配法包：沙律ok，冇特別，油醋汁，沙律菜上有少少青蘋果片同橙；法包放到硬曬，口感麻麻水煮蛋伴大啡菇菠菜：要求荷蘭汁另上；賣相可以，但食物較普通，始終係屋企煮到的菜式，勝在健康啲。水煮蛋冇蛋味；芝士片的味道亦唔濃；菠菜份量少；唯獨係英式鬆餅的麵包質感唔錯；整體上，食物原材料的質素唔高鮮奶咖啡：幾欣賞餐廳提供大/細杯的咖啡選擇；點咗大Latte，接近300ml；顏色係非常、非常淡的啡色，奶味為主，唔係好飲到咖啡味，都幾失望開心果紅桑子慕絲蛋糕：食到有少少開心果味但偏甜，開心果控食到就好難感到滿足，不過止下渴都可以；雖然堂食加一，但蛋糕送上嚟時冇任何presentation ，外賣係點，佢就係點特濃朱古力香橙撻：個撻皮雪到硬曬，唔鬆化；特濃朱古力有朱古力味但冇flavour同層次；食唔到有香橙味；餐廳的2款甜品質素非常普通，甚至差過一般連鎖餅店，因為啲甜品的質感都做得幾唔理想朋友點咗漢堡餐同埋一個有雞肉的午餐，大家都食曬，因為份量唔大，味道最多只可係不過不失，係一般連鎖食店的出品，冇驚喜，但亦唔會好伏；可能地埋位置，唔愁客路，定價偏貴，CP值好低。環境一般，檯多，空間感細，午市時段人聲嘈雜，但人潮散咗都可以。侍應人手不足，叫到先至有服務，例如：俾水/斟水，似乎一般唔預會俾杯水食客（可能因為包咗可樂？），不過，當叫到侍應時，佢哋一般都好helpful、有禮，但主動性就低。下次有機會喺又一城食嘢，唔會再㨂呢間餐廳。食完今餐，甚至對simplylife僅存的一點美好回憶都冇埋添。。。
继续阅读
每週一都會有三個小時的自由時間，最喜歡到simple life吃一頓簡單的英式早餐。不僅營養美味，配合咖啡提神。這個時間的餐廳人還不多，可以一邊享用早餐，一邊閱讀。開啟新的一周。
继续阅读