影片
更多
2023-03-20
510 浏览
同👦🏻嘅周年纪念 选择左系呢间铜锣湾嘅高级餐厅到庆祝🔥EL Dining开业差不多八年 拥有180度维港海景 可以过一个浪漫有情调既晚上 价钱公道 而周末亦有liveMusic 记得记得一定要订位先去啊🤣值得一提 门口壁画 d朱古力 系画师一笔一笔画上去🙌🏻佢地每季都会转menu 今次既主题系日法fusion菜 用精致既法国菜 融合日本鲜美既食材 创新又独特！🔸7courses $898+10% up加正宗鹅肝 +$178🔸▫️冻天使面白捞松露油鳕场蟹脚黑鱼子天使面好香白松露嘅味道😍蟹脚鲜甜 黑鱼子份量都好多 加埋昆布汤 味道虽然淡但好清新🥰▫️炙烧牡丹虾 ▫️油甘鱼花苞牡丹虾大只鲜甜 好重牛油香草味 咬落去好爽口 因为烧过既关系 食落暖暖地 加埋天妇罗脆脆米饼 令口感层次丰富😍而厚身既油甘鱼刺身好香滑 配上蘑菇同腌萝卜🔥食落饱满 油脂感好香 估唔到呢个配搭都咁出色！▫️日本马粪海胆多士X拖罗芒果莎莎超脆身既牛油多士 上面配搭左马粪海胆 食落好浓郁 细嫩鲜甜 两者非常之夹！而芒果拖罗莎莎用芒果既果香带出拖罗鲜味 开胃好食！▫️椰菜花鲜蚝周打汤伴/厨师推介前者饮落好creamy 鲜味十足 比较洁身
同👦🏻嘅周年纪念 选择左系呢间铜锣湾嘅高级餐厅到庆祝🔥EL Dining开业差不多八年 拥有180度维港海景 可以过一个浪漫有情调既晚上 价钱公道 而周末亦有liveMusic 记得记得一定要订位先去啊🤣值得一提 门口壁画 d朱古力 系画师一笔一笔画上去🙌🏻
佢地每季都会转menu 今次既主题系日法fusion菜 用精致既法国菜 融合日本鲜美既食材 创新又独特！
🔸7courses $898+10% up加正宗鹅肝 +$178🔸
▫️冻天使面白捞松露油鳕场蟹脚黑鱼子
天使面好香白松露嘅味道😍蟹脚鲜甜 黑鱼子份量都好多 加埋昆布汤 味道虽然淡但好清新🥰
▫️炙烧牡丹虾 ▫️油甘鱼花苞
牡丹虾大只鲜甜 好重牛油香草味 咬落去好爽口 因为烧过既关系 食落暖暖地 加埋天妇罗脆脆米饼 令口感层次丰富😍
而厚身既油甘鱼刺身好香滑 配上蘑菇同腌萝卜🔥食落饱满 油脂感好香 估唔到呢个配搭都咁出色！
▫️日本马粪海胆多士X拖罗芒果莎莎
超脆身既牛油多士 上面配搭左马粪海胆 食落好浓郁 细嫩鲜甜 两者非常之夹！而芒果拖罗莎莎用芒果既果香带出拖罗鲜味 开胃好食！
▫️椰菜花鲜蚝周打汤伴/厨师推介
前者饮落好creamy 鲜味十足 比较洁身 入面仲有鲜蚝香味 呢一款汤非常推介 而另一款系传统既意式杂菜汤 好多材料 比较稀但味道好健康 完全唔会好咸🙌🏻仲非常之足料！
▫️正宗鹅肝
对于我呢啲鹅肝真心必叫😍入口即化 厚身得黎仲有满满既油脂感 好香鹅油既味道🥰加埋佢地自家调制既酱汁同黑醋 底层有果酱 减低左油腻感！
▫️日式烧汁慢煮和牛面 ▫️ M7澳洲和牛
和牛面夹口感软腍😍一份有三大块劲厚身既和牛肉 色泽红润 入口即溶 好有牛香味🥰加上日式烧汁既味道 食落湿润惹味！
M7澳洲和牛就比较硬身 咬落有满满既油脂香 一切开颜色好粉嫩 好香肉味 👦🏻都话好好食！
▫️甜品【芝麻&柚子】
呢两款蛋糕味道唔会好甜 柚子味比较清新 咬落有柚子蓉 芝麻味就浓郁 底层仲有威化饼 成个配搭非常之夹 柚子蛋糕既甜品碟系餐厅同业余陶瓷艺术家既作品黎🙌🏻餐厅入面都会揾到佢地既其他艺术摆设🔥有心思之余可以比大家睇到更多唔同嘅艺术作品！
值得一提 甜品师真系好有心机🙌🏻画上左我最爱嘅三眼仔 得意到系咁影相影唔停🔥
张贴
