Home Kitchen (已結業)

见到facebook 呢间餐厅post 左张靓靓旦包饭想，决定同男朋友试下新野。其实平时食开一间西餐响九龙城 ，质素好好架！不过成日食间唔中都想尝试发掘一啲新既有质素餐厅！点知就出左事搞到以后都唔敢试新野揸车到门口先发现原来之前都黎过食tea!𠮶阵都觉得麻麻地，地方又细又迫，格局好奇怪！不过今次仲衰，餐厅前半part竟然卖衫，我真系完全接受唔到一个热厨房就算你嘅抽油烟功夫做得几好佢始终都会有啲油烟味，点会有可能可以同啲衫共存？🤔🤔去到都要食架啦只系奢望佢啲食物质素可以好啲！结论系唔会再有下一次啰叫咗一个set 系鳕鱼意粉另外加一份羊架！羊架可以完全唔热，净系个薯条正常少少. 收我＄198！鳕鱼意粉虽然块鳕鱼好大块，可惜极为普通。啲意粉仲衰，我自问都煮得好食过佢，求其煮熟啲意粉再捞啲茄酱！失败！送既甜点系一球冰死左既绿茶雪糕！我想问佢哋我应该等到几时先可以食呢？　成餐饭成四百几蚊！OMG 最搅笑系埋完单有个小学生抽奖环节，一个求其到爆既抽奖箱，入面有啲扭蛋壳，壳入面有张写左野既纸仔，求其到不行！我抽到既系下次黎帮衬可以送一客薯条！🤦🏻‍♀️🤦🏻‍♀️真心想讲多谢晒不过一定用唔著！