Home Kitchen (已結業)

喺太子行完花墟攰攰地想揾個地方坐下、休息下，見到入面有位就入去食個lunch, 唔用腦叫左Classic Breakfast, 好豐富，不過就無乜特別，咖啡拉花好靚，味道不過不失，餐廳細細但環境好舒服，可能因為唔多人啦，可以靜靜地嘆個lunch, 侍應都好nice, 會留意到你需要啲咩，叫人好快有人應，唔會扮睇你唔到，呢方面真係加分！

見到facebook 呢間餐廳post 左張靚靚旦包飯想，決定同男朋友試下新野。其實平時食開一間西餐響九龍城 ，質素好好架！不過成日食間唔中都想嘗試發掘一啲新既有質素餐廳！點知就出左事搞到以後都唔敢試新野揸車到門口先發現原來之前都黎過食tea!嗰陣都覺得麻麻地，地方又細又迫，格局好奇怪！不過今次仲衰，餐廳前半part竟然賣衫，我真係完全接受唔到一個熱廚房就算你嘅抽油煙功夫做得幾好佢始終都會有啲油煙味，點會有可能可以同啲衫共存？🤔🤔去到都要食架啦只係奢望佢啲食物質素可以好啲！結論係唔會再有下一次囉叫咗一個set 係鱈魚意粉另外加一份羊架！羊架可以完全唔熱，淨係個薯條正常少少. 收我＄198！鱈魚意粉雖然塊鱈魚好大塊，可惜極為普通。啲意粉仲衰，我自問都煮得好食過佢，求其煮熟啲意粉再撈啲茄醬！失敗！送既甜點係一球冰死左既綠茶雪糕！我想問佢哋我應該等到幾時先可以食呢？　成餐飯成四百幾蚊！OMG 最攪笑係埋完單有個小學生抽獎環節，一個求其到爆既抽獎箱，入面有啲扭蛋殻，殻入面有張寫左野既紙仔，求其到不行！我抽到既係下次黎幫襯可以送一客薯條！🤦🏻‍♀️🤦🏻‍♀️真心想講多謝晒不過一定用唔著！

Went here today for dinner and I can highly recommend it. Staff was welcoming and polite. Food was lovely. We had the Parma ham garlic spaghetti and the classic breakfast. The place isn't too crowded and it has a very "homey" feel to it. Definitely will be back again.

食物非常好味👍🏻，睇到是用個心去煮，你落order, 她們會逐樣逐様食材拿出去煮，不僅味道而且賣相一流。在這食飯有家的感覺，加上她們熱切的招待，簡直不想走。她們最好味的菜式，我覺得是羊架及意粉。另外，這裏的花茶，飲完令你精神寫意，神經鬆衪。

今日去花墟買花，所以打算去附近開餐，openrice搵到哩間cafe,入到去，無人既，唔通中伏？睇睇餐牌，d食物都幾特別，叫左個set lunch香茅椰香雞肉意粉，係我想要既味道，好香椰味，好creamy,本新以為雞肉會淡，點知都唔會，雞排肉有醃過朋友叫左個帶子忌廉意粉，好重香草味，較多汁，帶子頗多，朋友都覺得好味，份量好多，食唔哂忍唔住叫左個黑松露薯條，薯條新鮮炸，黑松露沙津醬好味，份量足，不過幾貴，60蚊友人叫左個金莎latte,飲落係榛子味，無咩特別我叫左個凍玫瑰latte,好靚既格層，淡淡玫瑰香，好順口，唔錯每人大約180蚊，午餐黎講幾貴，但食物唔錯，去開太子都係一個唔錯既選擇！

今日中午因約了朋友，所以就早啲來這裡食個午餐再出發吧。日式照燒雞扒滑蛋飯（$98）～醬汁配上雞扒，再加上滑蛋，真是送飯一流，但如可以走雞皮就更好了，感覺應該會更健康一點。老闆娘介紹這隻新產品給我。Hazelnut Earl grey（$38/壺）～ 茶一到已聞到很香的榛子味道，相信一定會吸引到很多人的喜好，味道微微帶甜，再加上 Earl grey 的茶底，正好清一清早上的睡意，正。

下午茶餐最平都要$60幾，平均$80-$90。食個冷烏冬要$128。但味道和份量都只是十分普通，比起以旅遊做主題的餐廳還不及。記得唔好點奶昔，淡而冇味，其實更似沙冰。試過後不會再來。

放工後享受憩靜的時光，在街上走著，看到街角的休閒Cafe —<Home Kitchen>，不知道會否恰如其名的，給人家的感覺，便心思思走進餐廳試試。餐廳的感覺蠻温馨，地方小小，座位不多，燈光昏黃，書櫃上排列滿滿的書本，還有食客留影及懷舊的掛畫，讓我放鬆心情思考著。經過一輪思索，我選擇了充滿香氣的海鮮雜菌黑松露忌廉燴飯。過了10分鐘，忌廉湯和蒜蓉包先上，忌廉湯奶滑、香濃；蒜蓉包也脆脆可口，蒜香惹味。<海鮮雜菌黑松露忌廉燴飯>的飯粒軟硬適中，忌廉汁濃稠，黑松露味道芳香，拌勻在飯粒當中，十分美味。雜菌的菇粒爽口、彈牙，著實不錯，唯獨海鮮伴料不足，吃到後期，略嫌清寡，如果可以有雞粒作點綴，整體感覺更佳。盛載著<玫瑰花茶>的茶壺十分鮮艷、高雅，壺身的鮮紅玫瑰配合主題的玫瑰花茶，單是外觀已令人賞心悅目。揭開壺蓋，看到茶包中有原整的玫瑰花蕾，著實真材實料。浸泡了5分鐘，我徐徐倒出花茶，熱騰騰的花茶散發陣陣清香，入口帶淡淡的花香，粉甜怡人，給人平靜的感覺。甜點是<草莓蛋糕>，蛋糕軟綿，配上甜甜酸酸的草莓醬，十分滋味。但蛋糕略嫌普通，如果有

星期日，休息日；最近工作真是太繁忙，假期實在不想四處去，每當我們想在家附近吃一個悠閒舒適的午膳時，不其然便會來這裡。Set Lunch 包飲品及甜品，另加$10 更可額外多選一款田園沙律或是日餐湯（是日的是粟米忌廉湯）。粟米忌廉湯 ～ 粟米充分打溶，因此味道非常香濃，配上忌廉，當然非常滑溜了；如果加入少許原粒粟米，則香濃之餘又有囗感；相信會更出色。酥炸軟殻蟹牛油果醬蟹籽珍珠飯 ～ 想吃蟹又懶得剝殻，食軟殻蟹就最好不過了；這軟殻蟹個頭不小，肉多而且有膏；一咬下去，香脆而又充滿蟹肉鮮味；底下的飯用壽司醋處理過，加上牛油果醬和蟹籽，也是個頗為不錯的配搭。Latte ～ 咖啡味香濃，拉花有水準，是近期喝過比較滿意的Latte。100蚊有一個印花，十個印花有兩張飲品優惠卷；套餐選擇咖啡有半價優惠。

無飯家庭、就是每日不停找落腳點、找到好的、當然食多幾次、差的、一次便夠了。這間食店，因就近家中，味道又好，做野又有心，環境又舒服，價錢也不貴，所以我和太太，不時也會來幫襯。今晚晚餐我就選擇了蒜蓉包和南瓜忌廉湯，主菜就要了煙三文魚蜆肉鮮露筍香草忌廉汁意粉。蒜蓉包 ～ 細細件、即叫即焗、因此非常脆口、只是蒜蓉味唔夠濃。南瓜忌廉湯 ～ 南瓜味濃厚、湯底杰身、正是我喜歡的味道。煙三文魚蜆肉鮮露筍香草忌廉汁意粉 ～ 煙燻味唔夠、蛽肉新鮮嫩滑、露荀微微带甜、意粉就比較軟身左少少。最喜歡之後飲返杯胎菊蜜、味道微甜、帶有很香菊花香味，貓貓杯更增加樂趣。食飽飽又係時間回家，好好休息了！

行開太子發現到有間裝修得好靚既咖啡店，就係咁就比佢吸引到入左去飲野同食野啦。豬肉腸白汁意粉，白汁既分量岩岩好，意粉煮得芝士煙肉著條真係超好食，薯條夠脆，芝士味濃。士多啤梨奶昔，香滑，士多啤梨呆夠濃。朋友叫咗杯Mocha，拉花拉得好靚，朋友話味道都唔錯。

好朋友生日，梗係要搵個地方可以唔洗趕住食趕住走咖啦！呢間Home Kitchen 做得到當然，我哋有符合佢哋要求，每人達到最低消費咖人哋開門做生意唔通真係一杯嘢飲坐全日咩我真係做唔出囉⋯⋯講番食物，真係家一樣，完全冇味精！呢點已經值得加分因為我對味精好敏感，一食就知！我哋今晚叫咗藍青口大蝦香濃忌廉芝士汁碗包配意粉，同醬燒BB豬肋骨配炸薯條，南瓜湯！南瓜湯，飲得出用咗好多南瓜去煮因為好濃好有南瓜嘅青甜味飲完湯，就送上藍青口大蝦香濃忌廉芝士汁碗包配意粉（個名好長😂）！碗包超香脆無得彈！藍青口同大蝦好爽甜意粉用忌廉芝士汁炒過，有誠意唔係就咁倒汁入包度，讚忌廉芝士雖然唔算好濃，但有成個碗包同意粉，如果個汁好濃就會好膩口⋯⋯變咗食唔晒個包同意粉，嘥晒！依家咁就啱啱好醬燒BB豬肋骨配炸薯條，豬肋骨好淋但又唔係人哋出面嗰啲烚完加汁咁！呢個豬肋骨仲好有肉味，個醬汁好出色薯條係我哋愛嘅粗薯條，即炸好脆舒壓茶，茶壺連杯，好靚飲到有甜菊葉，薄荷葉，好清新，飲完真係舒暢無比Mocha, 絕對唔會「如果太多咖啡味，朱古力味冇掟企」連鎖店嘅mocha多數都好重朱古力味所以好甜，呢個唔會，啱啱好！呢間小店，食物好味

最近因為工作太繁忙，星期日當然要好好休息一下，所以起身得比較遲，又因為晚飯時間好早，吃點沙律菜最為適宜。鮮果田園沙律 ～ 士多啤梨加上什菜，色彩繽紛，光是看着也覺開心呢！放於底下的提子，甜中帶煙韌；作為第一度食物，頗對我們今天的胃口呢。煙三文魚洋蔥牛油果醬法包 ～ 這道小吃是新出的的菜色，法包剛剛新鮮烤焗好、鬆軟又脆口、牛油果打成醬，加入洋蔥粒及少許胡椒便成，清新又健康，吃完不會有太大負擔😉新鮮希臘沙律 ～ 吃完一度沙律並不夠喉，決定encore 多個希臘沙律，配上黑醋最為適合，Feta Cheese味道咸咸的但奶酥味不會太重，配沙律菜不會太搶味，反而車厘茄唔夠甜，就失色一點了。Latte ～ 咖啡沖得幾好，咖啡味也香甜，選擇咖啡豆的眼光幾出色。畫花的技巧也很好，大家看看花葉有多少片就知道有幾難了。胎菊蜜 ～ 很喜歡這隻茶，雖然只是茶包沖出來，再加少量蜜糖，但味道清甜，飲完非常舒服。

又係下午茶時間喇! 係太子買植物~搵到哩間homekitchen!佢既裝修好靚! 傢私靚, 入面仲有衫賣...但是貴的~哈哈哈!哩度有好多好多野食! 下午茶餐都有好多選擇!咖啡及飲品種類都有好多!我order左二人英式下午茶架! 二人Tea set 食物有好多!甜品方面cheese cake 同泡芙最好味！佢既泡芙入口即溶...好有驚喜! newyork cheesecake夠結實又唔會太甜!還有芝腿治、煙三文魚法包、薯條、仲有一個係炸芋絲包蝦..炸芋絲包蝦最好味, 好夠脆...另外芝腿治、煙三文魚法包、薯條也不錯! 都ok ar!  美中不足既係薯條不太夠脆! 至於飲品方面...我叫左我最愛flat white!不得不贊,夠濃, 味道啱啱好!真係好好味! 又大杯! 拉花又美! 另一杯係蘋果醋椰果SODA...好酸好酸的! 但我知道蘋果醋係酸既,但係真係太過酸! 胃唔好既人就不太适合了! 總括哩間CAFE食物飲品質素也不錯!環境舒適! 

下午約了朋友見面又想坐得舒舒服服傾下計，就搵咗呢間咖啡店，我叫咗個下午茶餐，朱古力楓糖醬班㦸，原來係幾塊細細的疊起，加上朱古力醬同楓糖honey，賣相唔錯，班㦸都應該係新鮮整嘅，配上我壺黑糖薑茶，都可斟到兩三杯，薑味夠又不太甜，唔錯朋友叫了杯薑汁latte都話唔會太甜，薑味亦不會遮蓋咖啡味，都幾滿意。呢頭酒吧多，茶餐廳多，但想坐得舒服啲，呢度係一個幾好的選擇