影片
更多
2021-08-29
8077 浏览
其实我真系好少俾负评，不过佢值得拥有。的确，呢间野网上嘅观感喺环境靓，亦都系我当初拣佢既原因。可惜帮衬之后发现，完全唔系𠮶回事。CP值低，服务更加差到值得俾一个负评。千祈咪比照片呃到！话说当日其实朋友同我dinner庆祝生日，晨早已经订咗位，但系订位期间其实冇问佢要室内定室外，不过都唔紧要。嚟到确认订位之后唔知点解都仲要你企响门口等，即使无人排队。佢铺位嘅位置好大，除左中间嘅室外位置外，右边个铺位都系佢嘅。最后安排坐右舖一个完全冇景的室内位，都唔紧要，紧要嘅系：居然坐得不舒服！枱面位置比较少，仲要佢的座椅设计古怪，感觉张櫈分分钟会反，朋友坐得非常不安心，需要不时调整坐姿。入座时才被告知限时90分钟。菜式配搭比较古怪，有啲西式有啲泰式，讲唔出佢系咩国家菜，咁我当喺多国菜啦，佢又好似样样都唔系好出色。想嗌一杯signature drink "Super Greenery"佢居然冇货！失望！点菜期间个男侍应已经非常之寸同唔耐烦，虽然佢背得哂菜单号码，但系个态度真系唔好，轻佻浮躁且高傲。朋友安排咗甜品写字Happy birthday，个侍应俾左张纸佢写字，然后明明表示ok咁收左张纸。最后上到嚟
话说当日其实朋友同我dinner庆祝生日，晨早已经订咗位，但系订位期间其实冇问佢要室内定室外，不过都唔紧要。嚟到确认订位之后唔知点解都仲要你企响门口等，即使无人排队。
佢铺位嘅位置好大，除左中间嘅室外位置外，右边个铺位都系佢嘅。最后安排坐右舖一个完全冇景的室内位，都唔紧要，紧要嘅系：居然坐得不舒服！枱面位置比较少，仲要佢的座椅设计古怪，感觉张櫈分分钟会反，朋友坐得非常不安心，需要不时调整坐姿。入座时才被告知限时90分钟。
菜式配搭比较古怪，有啲西式有啲泰式，讲唔出佢系咩国家菜，咁我当喺多国菜啦，佢又好似样样都唔系好出色。想嗌一杯signature drink "Super Greenery"佢居然冇货！失望！
点菜期间个男侍应已经非常之寸同唔耐烦，虽然佢背得哂菜单号码，但系个态度真系唔好，轻佻浮躁且高傲。
朋友安排咗甜品写字Happy birthday，个侍应俾左张纸佢写字，然后明明表示ok咁收左张纸。最后上到嚟个甜品系一个字都冇写就咗送上嚟！成件事就系寿星我面前发生，所以写纸嚟做乜？系咪玩嘢？
我话算啦费事厨房加料，就咁食吧。
绿茶脆皮梳乎厘＄128
绿茶脆皮梳乎厘
56 浏览
0 赞好
0 留言
就系哩个甜品啦，上台一下我就问：字呢？
食就ok既，两个人勉强食得哂，但好腻，个皮未去到话“脆”既程度，配左炼奶，感觉同焗面包味道差唔多，只系soft d。空气感都算足够，但系摆耐小小中间就开始坍塌。
蟹肉牛油果沙律＄168
蟹肉牛油果沙律
39 浏览
0 赞好
0 留言
我觉得全餐最好食已经系哩个，牛油果入口比较creamy。同蟹肉亦都几match，中间仲有啲粟米粒。有三片好脆既法包，夹埋一齐食口感好正。
秘制海南鸡烩意大利饭＄168
啲鸡肉有啲实净，部位方面冇俾到鸡脾，然后个意大利饭好湿好水，去到有啲发涨程度，同埋意大利饭配番𠮶啲海南鸡汁有啲奇怪。成件事唔系好夹。
香炸蜜糖单骨鸡翼$88
香炸蜜糖单骨鸡翼
39 浏览
1 赞好
0 留言
啲鸡肉比较瘦削，炸得有啲干柴，可能生前挨过饿黎，唔特别。同埋咁样几只鸡翼收呢个价真系谋取暴利。
四季薄饼Four Season pizza＄168
四季薄饼
37 浏览
0 赞好
0 留言
谂住一款试晒唔同口味，点知成件事错嘅，喺一个伏黎，好唔推介哩个pizza。有两款茄底嘅pizza喺近乎冇配料，而且食落味道好相似，就系唔太好食。作为薄批，却不脆，好软。假如要拣pizza的话，建议拣杂菌黑松露芝士薄饼，比较无伏。
杂莓奶昔Berry Berry $58
冇咩特别，唔酸，OK。顺带一提，佢地服务真系唔系咁好，除咗啱啱讲甜品写字甩漏之外，全餐无人加水，举手劲耐冇人理，哩啲都小事。
远远未到90分钟已经迫人埋单＋开声赶人走，现场仲有大把位㖞埋单又走错去隔离枱，真系有点哭笑不得。客户体验极度恶劣。以K11 Musea哩个位，加埋冇饮酒情况下，人均消费接近500蚊，佢俾啲咁嘅服务真系唔OK。
二人埋单接近一千蚊，重点系我唔觉得食过D咩值钱野，或者好好食嘅嘢。景又冇，冇野好打卡，服务更加喺差，同人黎食简直系一个风险。睇完其他人嘅食评，似乎唔少人都比佢嘅服务震撼到。I'm not alone. 其实我真系好少俾负评，不过佢值得拥有。
张贴
