浪人日本料理 (已結業)

表弟爱于街外用膳，经常出入中、上、西环区，故家庭聚会中，大家都总会讲饮讲食 。早一个周末饮茶时，唔多识睇中文o既佢就推介中环一家叫「Ronin」o既日本餐厅，眼见OpenRice上三间「Ronin」中只有一间喺中环，所以就大担断定佢所指o既就系新开o既「浪人日本料理」，周四立即约会honey去食鱼生。（后尾先知表弟个人地图中，上环等同中环 ，亦即小肥会错意！）刚于月初正式启业o既「浪人」位于中环兰桂坊口一幢大厦六楼，交通好方便，不过楼上楼下都有日本餐厅，似乎浪人极爱挑战㖞 。店子升降机门前一角有个鲜花喷水池阵 ，唔知系咪睇过风水呢？！接待处旁有个高櫈候座处。餐店并无花巧o既装潢，除咗架上可见有清酒玻璃瓶及零星小摆设之外，中央就只有一个鲜黄色o既四方形大寿司吧。散座全为合拼式o既四方木枱櫈，隔得都几开吓，简洁鲜明，感觉都几开扬阔落舒适。当开始人多o既时候，细心有礼o既哥哥仔自动拉下食客身后o既布帘 ，增加私人度o既同时，亦成功减低室内杂声，有意思。据悉，食店开业未到两星期，晚市餐牌其实仍在制作中，除咗未翻译成英文之外，刺身寿司类都未有印落临时餐牌上，不过经理姐姐话必定会尽量满足