一寿司 (已結業)

经过旺角, 突然间好想食呢度的玉子烧以及我上次唔记得左食南瓜布甸, 身边的他好似知我心意咁, 话要黎圆我心愿食南瓜布甸.未食巳满足, 因有个咁懂我宠我的他.最爱的玉子烧当然唔少得, 又厚又大件, 依然咁好味, 上次试过辣味三文鱼觉得好好味, 今次食辣味吞拿鱼觉得差少少, 卷物都唔错, 料多又好味 最好笑的是大家都好最普通平凡的腐皮寿司试多几款寿司都好好味, 要了个芒果蟹子沙律, 好少芒果同蟹子, 成碟都系青瓜丝呢碟下次唔会再叫, 三文鱼刺身仍然系我地至爱, 好厚好新鲜; 见到饮品做紧特价, 买一送一, 所以我地叫左杯及一杯黑森林朱古力, 店员都好乐意帮我走左唔想要的簿荷. 走左簿荷的黑森林朱古力好好饮, 入面还有粒粒朱古力碎, 值得推荐 最后都叫左最想试的南瓜布甸, 竟然系今晚令我最失望的, 细细个半边南瓜中间挖空了少少, 系中间个窿有的南瓜味的布甸, 两三匙巳食晒, 还要个南瓜壳唔知循环用左几多次, 因为好黑好残, 还要收39元, 劲唔抵.听朋友讲呢度的串烧唔错, 下次想食玉子烧时, 我还是会来的, 希望身边的他不会介意成日陪我食同一间店