八王子居酒屋 (已結業)

同两个朋友上个礼拜四book咗枱食晚饭，我哋谂住去海港城Shop吓先至嚟，所以Book咗8点钟。一去到见佢哋都Full晒场~心谂好彩醒目有Book定枱先咋！坐低咗，朋友话同其中一个侍应ok熟，于是就叫佢过嚟介绍D好野比我哋食！上善如水(300ml) ：喺第二间居酒屋都系饮开呢只酒，所以今次都叫番佢。明太子及鳗鱼厚烧玉子：见餐牌无但系隔离枱日本人食紧，于是指指佢哋碟野问可唔可以做，侍应话应该无问题！个厚烧玉子做得好好味，蛋够厚但系里面仲系好嫰，特别系明太子𠮶个最好，因为听到连班日本人都话「Oi~shi」(好老土)！鲣鱼他他：好少食呢种鱼，侍应话呢种日文叫「卡支柯」嘅鱼喺夏天特别靓，食时要捞匀D生菜丝、大叶丝、日本姜花丝、白萝卜蓉再加个酱汁一齐食，又真系几清新㖞！D鱼红DogDog仲以为好腥，点知出奇地鲜甜。同其他配料酱汁好夹吓，几好！盐烧鲇鱼：又系话夏天时令嘢，盐烧简简单单，不过又算唔错㖞！鱼肉鲜甜鱼皮焦脆！不过骨就多咗D。樱虾炸豆腐：原来系用D樱虾干黏喺豆腐表面炸，D炸咗嘅樱虾干好冶味；而豆腐仍然好嫩滑，呢味野几特别，不过Size几细吓！鳗鱼炒饭：饱肚野！炒得好，唔油；饭仲系一粒一粒，