影片
更多
2021-06-18
366 浏览
一直都好想试吓串烧机 可以偷下懒 由得佢自己烧😂今日终于嚟到串grill试吓佢 佢个位置喺广华街 铺面好易认 好容易就揾到我哋拣咗Happy hour时段嚟食 系最抵食 大家想食就记住要订位 平日去都系满座入到去舖头细细间 但系都算干净企理 店员会好细心同你介绍返点餐嘅方法 唔同嘅酱汁 点样用个烧烤炉 仲亲身示范埋 服务质素唔错😆饮品方面有两个饮品柜 有唔同汽水 茶同豆浆 选择都唔少 我就拣咗黑豆浆嚟饮拎完嘢饮就返去睇吓有咩食 种类都几多 牛猪鸡羊都有齐晒 估唔到甜品都有两款 除咗落单纸 佢仲有一张写晒所有串烧嘅烧烤时间建议 咁大家就唔惊烧㶶嘢啦食物好快就嚟到 唔使点样等 亦都冇漏单 好整齐咁放晒喺个架度 一眼就睇晒有咩食烧烤炉嘅用法好简单 而且都好安全 够热力 完全系懒人之选 因为佢不停转动 所以食物都烧得好平均不过如果啲食物大件就记住要隔开佢哋 唔系嘅话就变咗净系烧一面仲有几种嘅酱汁 唔同嘅盐 辣粉俾你点 中间𠮶支就系俾你烧到差唔多熟嘅时候搽 提升返成个味道介绍翻几个心水先 牛肉方面佢嘅M6和牛牛柳同牛舌好好食 肉质鲜嫩得嚟有口感 而且牛味好香 鸡肉方面 我觉得鸡皮 鸡软骨唔错菜同
我哋拣咗Happy hour时段嚟食 系最抵食 大家想食就记住要订位 平日去都系满座
入到去舖头细细间 但系都算干净企理 店员会好细心同你介绍返点餐嘅方法 唔同嘅酱汁 点样用个烧烤炉 仲亲身示范埋 服务质素唔错😆饮品方面有两个饮品柜 有唔同汽水 茶同豆浆 选择都唔少 我就拣咗黑豆浆嚟饮
拎完嘢饮就返去睇吓有咩食 种类都几多 牛猪鸡羊都有齐晒 估唔到甜品都有两款 除咗落单纸 佢仲有一张写晒所有串烧嘅烧烤时间建议 咁大家就唔惊烧㶶嘢啦
食物好快就嚟到 唔使点样等 亦都冇漏单 好整齐咁放晒喺个架度 一眼就睇晒有咩食
烧烤炉嘅用法好简单 而且都好安全 够热力 完全系懒人之选 因为佢不停转动 所以食物都烧得好平均
不过如果啲食物大件就记住要隔开佢哋 唔系嘅话就变咗净系烧一面
仲有几种嘅酱汁 唔同嘅盐 辣粉俾你点 中间𠮶支就系俾你烧到差唔多熟嘅时候搽 提升返成个味道
介绍翻几个心水先 牛肉方面佢嘅M6和牛牛柳同牛舌好好食 肉质鲜嫩得嚟有口感 而且牛味好香 鸡肉方面 我觉得鸡皮 鸡软骨唔错
菜同埋丸类方面 我自己就好钟意食菠萝 好甜 仲有就系日本甜薯同埋鱼肉年糕都好正
我同朋友一致认为超好食嘅就系鸡肉卷 佢系外脆内嫩 鸡皮包住啲鸡肉 口感丰富 味道好好
甜品亦都令人喜出望外 棉花糖系必点唔使多讲 佢竟然有鸡蛋仔 够晒特别 最后会上一个Häagen-Dazs雪糕 热嘅鸡蛋仔加上冻嘅雪糕 好正
最后埋单每人$228 成个体验好唔错 同朋友叹住冷气由得佢慢慢烧真系一流
张贴
