串Grill 自助燒烤專門店 (廣華街) (已結業)

呢间餐厅想食好耐但系次次唔book根本就唔洗旨意食到 今次终于肯的起心肝唔玩即兴 终于可以试到呢个懒人串烧🤤由于佢系放题形式 一坐低佢会俾咗个头盘先 跟住佢会跟手介绍埋个烧烤炉点用 员工十分之好心机 虽然忙到七彩 但系佢嘅态度一啲都唔差 解释一啲都唔Hea 头盘有齐基本嘅肉类同疏菜 可能因为佢不段转住嘅原因 所以每一串嘅肉烧完出黎都非常均匀juicy 佢每张枱都会有一只手都数唔哂嘅调味料 椒盐 海盐 串grill辣粉 孜然粉 韩式梨酱 烧烤酱 泰式鱼露 可能因为佢嘅肉系完全无腌过嘅关系 所以我建议点都落少少调味料吊下味 正正系因为佢嘅肉无腌过 所以唔会食乜都一样味 想食咩味 完全自己话事另一样要赞嘅系佢嘅串烧铁签非常之干净 平时好怕去食串烧烧烤类嘅嘢 因为所有用具个感觉都好油淋淋 令到咩胃口都无哂 但系呢度嘅铁签即使有一个齿轮位(系其中一个令到佢识自己转嘅秘密🤭) 令到佢清洁时嘅难度增加不少 但系佢每一枝铁签感觉都非常干净 一啲都唔油 真系要俾个👍🏼佢而成餐饭入边 本人推介中嘅推介真系非呢粒鸡蛋仔莫属！烧完热辣辣 内脆外软 佢每人仲会送一杯大师嘅雪糕 建议将粒啱啱烧完嘅鸡蛋仔连埋杯雪糕