滋味靚湯

营业中

休息中

-🔸正宗马拉肉骨茶🔸惹味黑椒鸡中翼🔸柱侯冬菇炆极腍五花腩🔸花胶瑶柱螺片鲍鱼红枣鸡汤-懒人都想食好啲，疫情又开始严重嘅关系又唔想餐餐出街食，买啲𩠌包汤包放喺冰箱看门口就最好啦！依间喺观塘工厦里面嘅𩠌包汤包专门店，喺公司附近所以我成日都会补仓。今次买咗两个𩠌同两个汤水，平时唔食住可以放冰箱保存，食嘅时候隔水煲热就食得，超方便！肉骨茶够浓味而且好香药材味，汤里面嘅排骨煲到入晒味又啖啖肉！鸡翼好香黑椒味，少少辣好惹味，仲有成7-8只咁多，两个人份量刚刚好。五花腩厚切得嚟又燘得好腍，仲有几旧超入味花菇，正！