影片
更多
2023-05-02
43 浏览
最近多去Vcity揾食，好迟先发现开咗间烧肉店，当然要去试一试。环境舒适干净，张台够晒大点多几款嘢食都唔会太迫；烧肉店有肉味就当然避唔到，但佢个炉系自带「吸烟」功能，烧起唔会好大油烟。每台客人无论点咩都会附上沙津，仲可以无限添，好贴心。食完咁多肉配返啲菜清新好多。跟住要讲超级加分位！店员会帮手烧肉，唔洗自己动手就有得食真系好爽！仲要唔系Hea烧㗎，火候控制得好之余连摆碟都好有心机。每烧一款肉就换铁板又换碟，好有诚意！全晚见佢哋走嚟走去，有条不紊兼顾几台烧肉，真心欣赏！当晚点嘅肉大部份都由店员帮忙烧，至于确实边种佢哋会帮忙就自己问问更清楚啦~酱汁牛肋烧嫩滑冇筋，油脂比例适中，本身酱汁已经腌到入晒味，完全唔洗加其他调味。和牛寿喜烧先将和牛烧至半熟，放入拌有蛋浆嘅寿喜烧酱汁中，再包裹饭团一齐食，劲有满足感嘅配搭，牛香、油香、蛋香齐晒！店员好有功架一本渍和牛牛肋肉对我嚟讲烧肉必备两样嘢 - 牛肉同菠萝一次有齐。两者夹埋都几相得益彰，加入菠萝令肉质更幼嫩，酸酸甜甜又解腻。唔好睇个菠萝仔细细只，入面都有唔少肉，当然要烧埋嚟食！特上猪梅花肉猪肉香甜有肉鲜味，稍为干咗少少可以多返啲脂肪就更正(肥仔口味
每台客人无论点咩都会附上沙津，仲可以无限添，好贴心。食完咁多肉配返啲菜清新好多。跟住要讲超级加分位！店员会帮手烧肉，唔洗自己动手就有得食真系好爽！仲要唔系Hea烧㗎，火候控制得好之余连摆碟都好有心机。每烧一款肉就换铁板又换碟，好有诚意！全晚见佢哋走嚟走去，有条不紊兼顾几台烧肉，真心欣赏！当晚点嘅肉大部份都由店员帮忙烧，至于确实边种佢哋会帮忙就自己问问更清楚啦~
酱汁牛肋烧嫩滑冇筋，油脂比例适中，本身酱汁已经腌到入晒味，完全唔洗加其他调味。
和牛寿喜烧先将和牛烧至半熟，放入拌有蛋浆嘅寿喜烧酱汁中，再包裹饭团一齐食，劲有满足感嘅配搭，牛香、油香、蛋香齐晒！
店员好有功架
一本渍和牛牛肋肉对我嚟讲烧肉必备两样嘢 - 牛肉同菠萝一次有齐。两者夹埋都几相得益彰，加入菠萝令肉质更幼嫩，酸酸甜甜又解腻。
唔好睇个菠萝仔细细只，入面都有唔少肉，当然要烧埋嚟食！
特上猪梅花肉猪肉香甜有肉鲜味，稍为干咗少少可以多返啲脂肪就更正(肥仔口味)，明明好饱但因为店员剪成细细块，不知不觉就食晒。
大八爪鱼脚有人帮手烧先敢点系列，劲大只好厚肉，咬落去咸鲜味满泻。
龙虾尾又系有人帮手烧先敢点系列，虾肉结实弹牙，望落去加咗好多蒜但味道唔会过浓，个人觉得可以沾埋个蒜蓉牛油更香口。
一定要点嘢饮！唔想饮酒可以叫梳打，口味选择几多，食完肉再饮啖真系好爽。
附上餐厅环境俾大家参考，坐得舒适食得舒适已经好加分，店员服务超级好，有下次！
张贴
