木槿花韓牛專門店 (已結業)

近排煲完套韩剧好想食韩牛，友人推荐呢间餐厅好高质，就去试下。叫左一个厚切韩牛烧烤二人套餐，套餐有前菜沙律、烧烤拼盘、饭同埋甜品。前菜系一口韩国豆腐，豆香味好浓，口感有啲似蜂巢豆腐。另外拣咗韩牛厨师沙律，厨师将苹果、韩牛同红枣切成碎条，再淋上芥茉酱，入口味道先甜后有淡淡嘅芥茉味好开胃。烧烤拼盘有厚切肉眼扒、大理石(是日稀有部位)同埋腌牛肋条。侍应可以帮客人烧肉，佢地会先开炉等温度去到220度先开始烧，话咁样先会锁住肉汁食落系最好味。厚切肉眼扒鲜嫩弹牙好juicy，用生菜再加烧烤配料包埋一齐食惹味。大理石韩牛入口油脂感爆发，肉质嫩滑好好食。腌牛肋条味道有啲膻，夹埋泡菜一齐会易入口啲。蔬菜烧得啱啱好，中和下油腻感都唔错。食完咁多肉，食返个蔬菜石锅饭中和返。有好多蔬菜配料，加上韩式辣酱捞埋好惹味。最后嘅甜品系泡芙同核桃，食埋成餐好满足。