CJ Cafe (已結業)

久久都应该要出走一下。所谓嘅出走就系去睇心形石。由于坐得太耐车就到附近揾个地方医肚先，所以就同男朋友过到黎呢度。呢一度喺泳池附近，所以都见唔少泳客都会过黎食下野，而且我几中意呢度系因为望到个泳池景。对于唔中意做运动嘅我，望下人地做运动就当自己做左，都系一件几满足嘅事。沙律黎讲就合哂我嘅心意，最上方有大大只大虾喺度已经好吸引到我嘅目光，食落去都觉得好好味。而下层嘅沙律亦都有唔同嘅蔬菜同生果，火龙果同生菜等等嘅一般用材料都齐哂喺度，所以沙律都唔系单单得几种食物。我几中意呢个沙律，又睇得又食得。呢个系炸鸡翼配薯条，比起一般嘅幼细薯条，呢一款大得多，而且做到个质素都好好。好多地方做嘅大薯条都会做得差，薯条会软左唔脆加上咸过头。但呢一度嘅大薯条依然好脆好好味，盐亦都唔会用得过多而令到太咸。旁边嘅鸡翼亦都唔错架，但我觉得薯条比较突出。热柚子蜜作为饮品亦都会系一个好选择。呢一杯甜度适中，所以我都几中意呢一杯野饮。作为cafe，我觉得呢一度做得好足，比一般嘅cafe多选择之余，质素亦都比较好。马鞍山都唔一定系冇咩好食嘅，至少细心发现下都见到一啲值得一试嘅餐厅。