阿里山 (逸酒店) (已結業)

去过台湾嘅朋友们，唔知系咪同我一样，都有去过排队买古早味蛋糕呢？超怀念个啲味道呀。我尝试过跟网上食谱学整蛋糕，但唔系个顶㶶咗，就系入面唔够熟，而且质感永远都系「差咁啲」，做唔到台湾嘅效果😢。红磡呢间「阿里山台湾古早味蛋糕」💛，每日新鲜出炉，唔少街坊够钟就喺店铺前面等蛋糕出炉😍。佢哋推出多款新口味，保持新鲜度，令一众顾客忍唔住不停光顾呢。我叫咗3种口味返屋企叹：原味古早味一食就令我谂起台湾买嘅古早味蛋糕，一样咁软绵、咁蓬松、咁湿润同咁有空气感，仲有阵阵嘅蛋香味🥚，就算系晚餐后先拎出嚟都仲好新鲜，两位公子系咁追住食，正呀喂😍！柚子蜂蜜味呢个我老公大赞👍🏻，佢用日本进口嘅柚子，配上台湾嘅龙眼蜜🍯，听落都流口水呀。甜酸度刚刚好，好惹味，仲食到柚子丝，感觉好健康呢！芝麻味顶层铺满黑芝麻，香味浓郁，比较淡味少少，但就啱晒我，再加上顶层用芝麻酱拉花，好靓呀，我觉得好似食紧件艺术品咁😂。揾日再去买其他味试吓先，下次我会冲定壶靓茶去叹呢啲艺术品🍵。