老夫子餐館 (已結業)

好嘅餐厅，一次系食唔晒佢咁多款式嘅嘢食，起码几次先可以试晒咁多款唔同嘅款式嘅嘢食。通常喺出边我就唔会食肉酱意粉，因为自己煮嘅肉酱意粉都好容易。但系今日就忽然间想试一试，出嚟个样可能并唔系太吸引，但系食落去非常之多肉碎，个味道好浓，仲有一大旧芝士系中间，热食𠮶阵时候食仲会有拉丝。另外仲叫咗一个鲜茄焗猪扒饭，焗猪扒饭系我朋友嘅最爱，去到边度有呢一个饭嘅话都一定会叫。粒粒分明嘅饭，惹味的鲜茄汁，还有蕃茄蓉。猪扒薄而软身，有阵阵蛋香。还有今晚嘅主角瑞士汁鸡翼，一只只鸡翼颜色又靓又有光泽又肥美，瑞士汁嘅味道非常之好食。入边嘅鸡肉仲好嫩滑，我觉得最犀利嘅就系佢嘅鸡翼尖都炆到非常之淋，好易食。每一次嚟到呢到都好中意睇拒唔同的布景，好似呢张海报就系漫画中的其中一个画面，既有风味，又能怀旧。