紫荊閣 (已結業)

食过不同国家菜式，但始终最喜爱的莫过于中国菜。除咗由细食到大之外，食物嘅博大精深更加系著迷嘅地方。今次就去到红磡一间酒店内嘅中菜厅，内里环境优雅，而且位置等都非常舒适。菜单有多款不同中菜菜式，更有好多都是七十年代嘅怀旧菜式。鸡蛋焗鱼肠平时食嘅大多都会有鱼腥味，但今次呢个焗鱼肠就唔会出现，而且加埋热腾腾嘅鸡蛋、油条份外香口，真系胡椒粉都唔驶落，真系唔错。蟹肉蛋白炒鱼肚卖相精致，而且炒蛋白唔会觉得油真系非常抵赞，而且加埋爽口嘅鱼肚、滑溜嘅蛋白，以及鲜甜嘅蟹肉真系送饭名物。富贵龙凤球一个七十年代嘅菜式，相信而家好小餐厅会食到。而龙凤球就系鲜虾包住鸡肝，之后快炸用秘制汁包上。一碟六件真系记得要试，因为鸡肝嘅甘香加埋鲜虾嘅爽弹，真系令口感份外丰富，加埋酱汁一齐食真系好惹味。时日厨房汤水，今日就系微豆猴头菇汤水，真系啱哂平时无汤水饮嘅朋友。