香江花月 (利舞臺廣場) (已結業)

成为咗Lee Gardens Club会员后，发现多间餐厅都有九折优惠，周三晚收早，所以就好即兴咁约咗三五知己试试其中一间「香江花月」。听到餐厅名， XO仔即联想到「香江花月夜」嘅梅姐，冇谂到餐厅大堂会选用哥哥嘅画报装饰正门前方嘅升降机大堂。占用面积全层嘅火锅店宽广开扬，用餐大堂光线充裕，弧形嘅散座又真系几似电视剧中嘅舞厅格局㖞。最中央位置为自助混酱区，两边高高嘅圆柱桶均为豉油，混唔混都会收$25/位。每位席上摆有齐备嘅自用及公用餐具，感觉都好卫生。埋位每人先送一杯清新怡神嘅洋甘菊茶，细杯仔底隐约露出条肥嘟嘟嘅锦鲤，相当盏鬼！饮品牌只有一页。烂饮鬼结果开咗两枝红酒。眼见六人用餐要分两个煲，所以就应推介其中一边点咗个包一款鲜味头盘、火锅汤底及时令海鲜拼盘嘅「锅心暖意」套餐（优惠价$2,188；原价$2,988）。另从火锅纸上多个项目加选配料。（厚本彩图餐牌太多页，小肥𠮶日懒冇影到。）不过就冇试到啲摩登点心同甜品。锅心暖意套餐之澳洲龙虾刺身（原只）：套餐嘅头盘拣咗鲜甜爽脆嘅澳龙刺身，如果怕生的话可以灼一灼先食。个壳仲可以浸埋入去滚，令汤底更为鲜浓。锅心暖意套餐之白汤人参锅（原价$228）：