影片
更多
2018-07-30
1510 浏览
早两日跟埋朋友去港岛食私房菜，去到门口睇落又唔似系咁'私' , 后来经理讲返呢度系一个老板既私人饭堂，专招呼自己既朋友同生意上既伙伴，系呢几年先开放俾街客嚟食，所以系要预约，据说今晚食怀旧菜，每人$390! 我又即管睇下有几好食先！餐厅布置都似以前既酒楼格局，但台唔多，有一张大台同几张细台，当晚都有几围食客，我哋都被编埋同其他食客坐一张大台！菜单事前已经编排好，入面有d菜式因为多功夫，而家都唔系咁易有得食！例如蟹多士，金钱鸡，纸包骨等，所以我都好期待今晚呢餐私房宴！先出场既系怀旧3 宝入面顺德名菜金钱鸡，睇落无咩特别，食落就不得了，3重口感，啖啖滋味！ 面头有咬口叉烧同最底入口即溶既肥猪肉夹住旧爽口鲜甜唔腥既鸡润，一齐食先过瘾，分开食的话可能会觉得平平无奇！食完金钱鸡就有 好香口既蚬蚧鲮鱼球出场，外皮炸得金黄香脆，鲮鱼肉颇有咬口，鱼肉味十足！ 其实唔驶点个蚬蚧汁都好好食，当然加埋蚬蚧汁就更惹味！最后一样怀旧3 宝入面既菜式就系呢个蟹多士，外皮炸得松脆唔油腻，入面既蟹肉鲜甜多汁又烟韧！同外皮既香脆相映成趣！ 食完怀旧3宝，跟住有古早锦卤云吞，云吞做得皮薄松化，重点系个酱汁，用上尤鱼，
餐厅布置都似以前既酒楼格局，但台唔多，有一张大台同几张细台，当晚都有几围食客，我哋都被编埋同其他食客坐一张大台！
菜单事前已经编排好，入面有d菜式因为多功夫，而家都唔系咁易有得食！例如蟹多士，金钱鸡，纸包骨等，所以我都好期待今晚呢餐私房宴！
先出场既系怀旧3 宝入面顺德名菜金钱鸡，睇落无咩特别，食落就不得了，3重口感，啖啖滋味！ 面头有咬口叉烧同最底入口即溶既肥猪肉夹住旧爽口鲜甜唔腥既鸡润，一齐食先过瘾，分开食的话可能会觉得平平无奇！
食完金钱鸡就有 好香口既蚬蚧鲮鱼球出场，外皮炸得金黄香脆，鲮鱼肉颇有咬口，鱼肉味十足！ 其实唔驶点个蚬蚧汁都好好食，当然加埋蚬蚧汁就更惹味！
最后一样怀旧3 宝入面既菜式就系呢个蟹多士，外皮炸得松脆唔油腻，入面既蟹肉鲜甜多汁又烟韧！同外皮既香脆相映成趣！
蟹多士
35 浏览
0 赞好
0 留言
食完怀旧3宝，跟住有古早锦卤云吞，云吞做得皮薄松化，重点系个酱汁，用上尤鱼，猪润， 叉烧等配料做成，味道鲜甜，唔系糖造出嚟𠮶种甜，系嚟自食材既甜，加上松化既云吞由咸变甜，令口感变得有层次！
食完d煎炸野，吗呢个时候有个火喉十足，炖上4 小时既八宝冬瓜盅俾我哋润下喉咙，等我哋可以继续食好西！冬瓜盅用料十足，有虾，蟹肉等，重点系金华火腿既咸香味，令个汤除左鲜甜外，仲带点咸香！
上八珍扒大鸭，呢个菜真系好耐无见过，功夫甚多，鸭壳腌好再用慢火焖，焖完再去骨，面头铺上各种名贵食材如海参，东菇，虾，瑶柱等，鸭肉做得软稔，都几香，唔会太膻！
食完鸭有2 度自选菜式，首先是香脆既琵琶豆腐，外脆内软，卖相吸引，唔油腻！鱼肉香豆腐滑，好食！
而另一个自选菜系今晚我最喜欢既菜式，大良炒鲜奶，看似是赛螃蟹，食落原来别有洞天，香滑蛋花包著蟹肉再有阵阵鲜奶甜味，相信厨师控制火喉既功夫真系好好，先可以整到咁滑漏！
陆氏炒饭，据说系为呢间餐厅老板而设既炒饭，以虾干为主要灵魂，配料颜色令到个饭既卖相几吸引！
食左咁多野，终于食到最后既甜品焗西米布甸，热辣辣出炉，呢个系我细个去酒楼先会食到既菜式，估唔到呢度会重遇返，面头焗得有点像焦糖的味道，入面既西米都几嫩滑，有d似热左既蛋糕，蛋香味十足！真系好邪恶既，如果唔系食到饱，真系想食多件
今晚呢餐比预期丰富，食到饱饱！以$390可以重遇小时候既菜式，非常满足
张贴
