百利冰室

营业中

休息中

本身系北角返工，平时有时间会同同事搭车去西湾河或者筲箕湾食lunch。今次介绍既哩间冰室本来系同事带我去食既，但宜家就差不多成为左我既每周精选，所以想写个食评介绍比大家。第一次去个时，眼见门面系旧式冰室格局，橱窗里面有个立体蛋糕，另外一边橱窗摆放一排排樽装鲜奶，心谂应该做左几廿年，d食物都应该会唔差😂 同事话d中式西式饭抵食又多选择，味道又ok，性价几高。不过我今次想介绍既系蕃茄肥牛汤乌冬😋 我自己麻麻地肥牛，冰室姐姐话可以转猪扒/ 鲜牛，另外加钱仲可以转鸡脾。 姐姐猪扒汤米唔该🙌🏻 唔想食乌冬，都可以转其他粉面，选择超级百搭，唔惊搭唔啱🤣猪扒够大块碎上唔洗切开，但讲到最值得推介既系个蕃茄汤底。一般d茶餐厅既蕃茄汤大多比较淡或者用蕃膏开。但百利哩个蕃茄汤唔至够香，味道好好又唔会太酸，仲劲多配菜，萝卜、椰菜花、白菜仔，劲足料。同埋系个汤入面你会见到有d柠檬皮，原来加左柠柠个汤底更香更好味。每次黎见到个花眼了乱既餐牌，到最后都总会叫返哩个乌冬😍