良記餐廳(老鳳冰室) (已結業)

今日同太太夜晚去开深水埗逛黄金买game，顺道去下呢间同事介绍嘅怀旧冰室试下。夜晚差不多7点半到，都几旺场，不过都系等左3-4分钟就有得入。一入门口就有好多怀旧嘅poster(见到可口可乐都眼前一亮！)同霓虹灯，成个架局都显得好有心思。而餐牌就设计成信咁入落个怀旧信箱到，几过瘾的。食物方面我地就叫左2个餐，沙爹牛公仔面同芝士猪颈肉捞丁沙爹牛公仔面啲沙爹好香浓，公仔面渌得刚刚好，唔会太腍，唔错唔错。至于芝士捞丁个芝士酱非常稠密浓郁，唔系好咸，热辣辣食散发出香浓嘅芝士味，猪颈肉就煎得刚好，配埋捞丁的确一流。另外我地仲叫左个老凤10大必食嘅虾多士，虾多士用两块面包中间夹著虾滑沾上面包糠炸， 炸到相当干身，外脆内腍，唔会太油腻， 配上沙律酱，中和油腻嘅感觉。饮品方面就叫左杯杂果宾治同飞女可力，杂果宾治个糖水可能我唔系太喜欢，有点药水嘅味道，不过又唔会好抗拒，最后都系一滴不漏><，而太太个杯飞女可力，听个名就过瘾，成杯饮品有食芭菲呢感觉，插住张飞女啤牌，店员仲好有心提醒你食左个张啤牌先以免变腍。加左cream嘅可力，饮完都几饱，哈哈!