影片
更多
2020-11-03
518 浏览
周末有日系附近做完嘢，已经系中午时间，同埋朋友一齐行下附近揾下有咩嘢食。等过马路时，就见到呢间嘅招牌，印象好似多人提过嘅文青餐厅，就撞上去睇下有无位。时间可能仲早，walk-in都有位，用餐时间就得1个钟，不过都理解。餐厅环境好有年代感，装潢同摆设都系怀旧台湾风，仲会播十几年前的台湾流行曲，虽然两样嘢系唔同年代，不过对于食客嚟讲，十几年前的台湾流行曲已经等于旧年代喇，哈哈﹗食物方面，朋友叫左满汉牛肉面，餐牌话有清炖牛肉面、红烧拌面、红烧牛肉面三款口味，但上枱我哋只系见到清炖牛肉面，旁边系红烧牛肉。份量系超大，朋友食哂D肉都好滞。面身都叫做有D咬口，但系清炖牛肉面个汤底就真系淡口，朋友要加哂D蒜蓉落个汤度。红烧牛肉都算淋都入味，不过成个餐都系肉肉肉，我见到就只系浅尝就够。因为好耐都无去台湾，都想整碗卤肉饭，就叫左台式卤味拼盘配卤肉饭，入面有猪耳、鸡翼、蛋、萝卜、豆干同埋海带。成碗卤肉饭上面系肥膏嚟，仲要系一条条，无切粒粒，同我期望系一粒粒半肥瘦嘅卤肉有D出入，不过都有咸香嘅。但系卤味拼盘就得D色，全部都无卤水味，萝卜仲几硬，好难咬….另外仲叫左好少见的树子水莲菜，落够蒜蓉炒，好惹味，水莲
时间可能仲早，walk-in都有位，用餐时间就得1个钟，不过都理解。
餐厅环境好有年代感，装潢同摆设都系怀旧台湾风，仲会播十几年前的台湾流行曲，虽然两样嘢系唔同年代，不过对于食客嚟讲，十几年前的台湾流行曲已经等于旧年代喇，哈哈﹗
食物方面，朋友叫左满汉牛肉面，餐牌话有清炖牛肉面、红烧拌面、红烧牛肉面三款口味，但上枱我哋只系见到清炖牛肉面，旁边系红烧牛肉。
份量系超大，朋友食哂D肉都好滞。面身都叫做有D咬口，但系清炖牛肉面个汤底就真系淡口，朋友要加哂D蒜蓉落个汤度。红烧牛肉都算淋都入味，不过成个餐都系肉肉肉，我见到就只系浅尝就够。
因为好耐都无去台湾，都想整碗卤肉饭，就叫左台式卤味拼盘配卤肉饭，入面有猪耳、鸡翼、蛋、萝卜、豆干同埋海带。
成碗卤肉饭上面系肥膏嚟，仲要系一条条，无切粒粒，同我期望系一粒粒半肥瘦嘅卤肉有D出入，不过都有咸香嘅。但系卤味拼盘就得D色，全部都无卤水味，萝卜仲几硬，好难咬….
另外仲叫左好少见的树子水莲菜，落够蒜蓉炒，好惹味，水莲菜都爽口﹗
总括嚟讲，食物推介树子水莲，同埋可以去影下餐厅环境，当系去左转台湾的小时光旅行。
张贴
