1963 木十豆寸

营业中

休息中

同另外几个朋友，去完利东街影下圣诞灯饰之后，肚仔有啲饿，系时候去医吓肚啦，朋友话想食台式嘢㖞，就拣咗呢间台式食店。上去嘅时候要行两层楼梯。估唔到店舖都几特别，充满怀旧色彩嘅旧摆设。怀旧嘅灯饰，装潢。好似返咗去六七十年代，店舖1963应该就是这样命名。先嚟过牛蒡红枣枸杞茶，养生系列，大大壶茶，味道适中，唔系太甜，饮到最尾，我也食内里啲红枣枸杞。台式卤味拼盘，包括猪耳，蛋，萝卜，豆干，海带，鸡翼，味道中规中矩，正常嘢。再嚟满汉红烧牛肉面，个面质地爽滑，汤底不太咸，啲牛肉系用另一个器皿盛载，牛肉嫩滑，牛筋弹牙。宫保皮蛋牛，有啲失望，朋友叫嘅时候以为有好多皮蛋，但上菜大打折扣，得𠮶一两片皮蛋。 整道菜味道有啲怪，失色咗。凤梨虾球，夹嘅时候有啲呢hea， 虾同菠萝会分离，如果用牙签笃实佢哋会好啲啰。食落都几开胃。乌龙茶香熏鸡，个皮几松脆， 鸡肉嫩滑，正。整体不过不失啦。