金鳳大餐廳 (山林道)

营业中

休息中

我细个最开心既时候系食港式怀旧扒房，尤其系职员系我面前淋汁然后发出「滋滋」既声音。今日同朋友做gym，做gym之前带我食佢既增肌餐，原来就系港式扒房－金凤大餐厅🤩港式扒房既汤一定系一白一红，即系忌廉汤同罗宋汤，朋友话罗宋汤有入量蔬菜，口感丰富。另外仲附送一个甜餐包，识食一定系将包浸落汤一齐食👍🏻- 美国牛小扒餐牛小扒肉味香浓，肉质有咬口，但唔太多筋，蒜蓉酱超级多，而且配菜有我钟意既薯格，相当惊喜😍- 美国安格斯肉眼扒肉眼扒好大份，食量大既朋友话好够饱。肉质鲜嫩，脂肪分布平均，最重要系热板够晒热辣辣。酱汁方面拣左黑椒汁同埋加咗一份蒜蓉去增添佢嘅味道层次。餐饮好大杯，柠檬茶既茶味几突出。港式扒餐真系香港人既回忆，味道都系其次，侍应淋上酱汁𠮶一刻回忆真系返晒黎🥺，怀旧味道胜于一切。