滇品．米線 (已結業)

知道呢间舖系九龙城广场已经好多年，不过成日都无机会试，终于同朋友黎试下，一打开餐牌就发现价钱 好抵，好多小食只系$18~20，砂锅米线都系三十几蚊，仲有啲五十几蚊既小菜~最特别就系金沙洋芋丝，系将啲芋头切成好幼既幼丝，再炸左佢，再用 咸蛋黄均匀炒匀啲芋头丝，每条芋头丝脆得黎又有蛋王香，最特别系上面放左啲生既葱，平时我系绝对唔会食生葱，点知原来加埋啲芋头丝食出黎既效果系非常好食，另外叫左一个砂锅猪软骨米线，价钱唔贵但系份量好够，材料又多，有云耳，芽菜，冬菇，韮菜同红萝卜丝，汤底味道亦唔错，饮品系即叫即整既台式饮品，平时出面好多几十蚊一杯既台式饮品都只系一早整好晒扲出黎就算，芒果5虽然好细杯，不过好香芒果味，而且系比较“杰”身，唔似沟水既芒果汁，最特别系呢间餐厅系无加一服务费，而只系收每人$3既茶钱，估唔到香港仲有啲咁抵又传统味道既餐厅，好回味呢种怀旧口味~