Lucky Ristorante (已結業)

呢日放假同朋友行旺角，经验上海街时发现有个好怀旧的港式商场“618”，决定去行下，入面仲有间文青的西餐厅「Lucky Ristorante」，决定去食个下午茶~餐厅有户内同户外座位，餐厅外面及天花板布满干花，影相打卡一流，而且价钱又唔贵，食物选择都几多~我点左2个下午茶套餐:酥炸软壳蟹芒果沙律排包配薯条 平时一般都系配牛角包，呢度仲可以选择排包，好特别，软壳蟹即叫即炸，炸到金黄色，香脆可口，不会油腻，同焗过的排包出奇地夹~All day breakfast 分量十足、非常丰富，有自家制牛角包、纽伦堡肠三条、茄汁豆、杂菜沙律、北海道忌廉芝士薯饼、香脆烟肉、白菌、炒蛋…最喜欢北海道芝士忌廉炸薯饼， 外层炸到金黄酥脆，中间满满忌廉芝士，非常惹味，仲有自家制牛油味香浓的牛角包~下午茶仲有附送饮品，我哋点左朱古力、橙汁(另加$8)之后忍唔住点左个甜品拼盘，有柠檬cheese cake、马卡龙、布朗尼、生果挞、抹茶红豆蛋糕，每一款都好好味，自己就最爱抹茶红豆蛋糕及柠檬cheese cake~