百味閣餐廳

营业中

休息中

今晚同老公去浸会听嘢，之后佢带我去咗呢间餐厅，佢话读大学时成日嚟呢度lunch。入到去，老公话装修冇变过，只是灯光较为光猛，依然系𠮶种旧式扒房嘅感觉， lunch佢就食得多，不过晚饭就唔多，今晚有机会一试。一人一个套餐，有齐汤，甜品同餐饮，main course 大家share 食，一个系脆皮鸡脾拼带子串烧配天使面，另一个系铁镬爆带子牛扒粒配菠菜面。餐汤有中汤或西汤选择，西汤系罗宋汤，中汤今日系牛肉羹，仲配埋香脆蒜蓉包。脆皮鸡脾拼带子串烧配天使面$145名副其实，脆皮鸡髀鸡皮脆卜卜，鸡肉嫩滑，没有肥膏但食落油润，味道唔错，带子串烧唔会过火，保持到鲜嫩嘅味道，可惜得一串，食完仲想食。天使面份量合适配上猎人茄酱，整体上都唔错。铁镬爆带子牛扒粒配菠菜面$170好期待，用铁镬爆令食材更有镬气更香喷喷，牛扒粒油香四溢，带子同样吸引，配上菠菜面一齐食，感觉好match。不过呢个要尽快食，唔可以顾住打卡，牛扒于响铁镬度一路加热，食得慢嘅话牛柳粒会变嚡咗，冇咁好食。菠菜面配青胡椒酱，少少辣好惹味。甜品系咖啡炖蛋杯，系热嘅甜品，咖啡炖蛋上面铺咗生果同埋脆脆小蛋卷，精致有诚意，味道不错，仲有生果拼盆赠送。