影片
更多
2024-07-20
5095 浏览
订咗位，星期六 十二点到，我哋一行 八个人(七个大人一个小朋友)，佢畀咗餐厅最入间房内嘅大枱畀我哋，坐得舒服，同埋房入面有两部大电视睇吓， 房内相对上冇外面咁嘈吵。食肆装修干净企理，侍应生服务ok， 会主动问你使唔使影相，然后才会用较剪帮你剪开啲面食 或者大件嘅食物， 仲会数埋人头帮你 剪啱啱好嘅数量， 细心!👍 同埋佢唔会用同一把较剪完一碟𩠌菜，再剪另一碟，亦冇外间传言话寸嘴，只系其中一个阿姐比较劳嘈(不过佢系抱怨其他侍应生冇嚟帮佢手执抬)。我哋点咗 14碟点心 同埋两个炒面饭 (罗汉斋炒炒面$88，大澳虾酱炒饭$88)， 点心当中沙翁同埋流心煎糯米鸡最有惊喜😍😍😍， 沙翁好大size，外脆内软，甜甜地，值得推介，小朋友好欢喜。其他点心水准不过不失， 肠粉个皮够薄&滑🤩， 猪筋捞粗面都唔错，个汁系沙爹 好惹味， 酥炸鱿鱼须就普通咗啲🤫，炸粉又唔够香脆😑，又唔多均匀，唔值$68😒。另外，我哋由十二点食到大约一点半， 服务员大约未够一点已经问我哋啲食物齐未，然后就递上账单叫我哋check，跟住就收钱，其实book位显示12:00-1:30pm，我哋未够一点半就走人，行到出房，见有4成嘅枱
食肆装修干净企理，侍应生服务ok， 会主动问你使唔使影相，然后才会用较剪帮你剪开啲面食 或者大件嘅食物， 仲会数埋人头帮你 剪啱啱好嘅数量， 细心!👍 同埋佢唔会用同一把较剪完一碟𩠌菜，再剪另一碟，亦冇外间传言话寸嘴，只系其中一个阿姐比较劳嘈(不过佢系抱怨其他侍应生冇嚟帮佢手执抬)。
我哋点咗 14碟点心 同埋两个炒面饭 (罗汉斋炒炒面$88，大澳虾酱炒饭$88)， 点心当中沙翁同埋流心煎糯米鸡最有惊喜😍😍😍， 沙翁好大size，外脆内软，甜甜地，值得推介，小朋友好欢喜。其他点心水准不过不失， 肠粉个皮够薄&滑🤩， 猪筋捞粗面都唔错，个汁系沙爹 好惹味， 酥炸鱿鱼须就普通咗啲🤫，炸粉又唔够香脆😑，又唔多均匀，唔值$68😒。
另外，我哋由十二点食到大约一点半， 服务员大约未够一点已经问我哋啲食物齐未，然后就递上账单叫我哋check，跟住就收钱，其实book位显示12:00-1:30pm，我哋未够一点半就走人，行到出房，见有4成嘅枱系冇人坐，其实佢都唔使咁急 清我哋张枱 执晒嘢，意图叫顾客离开 (全个过程服务员系冇出声直接叫你离开， 但系间接啰🤐)，令人费解。
茶芥每位20蚊，长者免茶芥，只要出示长者证就可以有呢个优惠 💝。总括嚟讲，服务ok有礼貌， 连加一收费$1042， 值唔值就见仁见智啦。
张贴
