影片
更多
2022-07-03
15 浏览
一入餐廳就覺得好似去左6、70年代既香港，餐廳裝修以懷舊為主，而且仲會播住經典粵語金曲。一坐低店員就會再幫我哋洗一洗碗碟，好貼心！冬甫美人鍋 $198湯底選擇都有差唔多10款，我地揀左店員推介既冬甫美人鍋。一聽個名就知好滋補養顏，湯底有半隻雞、冬瓜、花膠、竹笙、桃膠、蟲草花等。店員建議係未打邊爐前飲一碗頭啖湯，湯底好足料，飲落好濃雞湯味，而且有花膠黏口感覺，飲一碗真係唔夠，會忍唔住係咁飲，而且價錢又唔算貴，性價比高！懷舊蝦多士 $68除左打邊爐配料外，仲有小食可以揀，可以係等火鍋滾既時候都有野食住先。蝦多士炸得香脆，點埋酸甜醬食，完全唔覺油膩。老友鬼鬼 $68老友鬼鬼即係油炸鬼釀黑松露墨魚滑，除左即食外，仲可以放入湯底淥一淥再食，不過個人覺得淥黎食會有啲偏鹹，都係即食再點甜酸醬會好啲。本地手切牛肉(大) $338 大份大約有二十幾片，切得好薄，輕輕淥一淥變色就可以食，食落牛肉味濃，肉質嫩。四寶餃 $108四寶餃有養顏美人餃，鳳城水餃，鮮蝦雲吞，韭菜餃，餃子全部都係自己包，韭菜餃味道比較特出，其他三款味道都差唔多，比較特別係美人餃，入面有椰菜同桃膠，口感比較爽滑煙韌。墨魚丸(半份) $5
一坐低店員就會再幫我哋洗一洗碗碟，好貼心！
冬甫美人鍋 $198
湯底選擇都有差唔多10款，我地揀左店員推介既冬甫美人鍋。一聽個名就知好滋補養顏，湯底有半隻雞、冬瓜、花膠、竹笙、桃膠、蟲草花等。店員建議係未打邊爐前飲一碗頭啖湯，湯底好足料，飲落好濃雞湯味，而且有花膠黏口感覺，飲一碗真係唔夠，會忍唔住係咁飲，而且價錢又唔算貴，性價比高！
懷舊蝦多士 $68
除左打邊爐配料外，仲有小食可以揀，可以係等火鍋滾既時候都有野食住先。蝦多士炸得香脆，點埋酸甜醬食，完全唔覺油膩。
老友鬼鬼 $68
老友鬼鬼即係油炸鬼釀黑松露墨魚滑，除左即食外，仲可以放入湯底淥一淥再食，不過個人覺得淥黎食會有啲偏鹹，都係即食再點甜酸醬會好啲。
本地手切牛肉(大) $338
大份大約有二十幾片，切得好薄，輕輕淥一淥變色就可以食，食落牛肉味濃，肉質嫩。
四寶餃 $108
四寶餃有養顏美人餃，鳳城水餃，鮮蝦雲吞，韭菜餃，餃子全部都係自己包，韭菜餃味道比較特出，其他三款味道都差唔多，比較特別係美人餃，入面有椰菜同桃膠，口感比較爽滑煙韌。
墨魚丸(半份) $58
半份有四粒，而且都幾大粒，食落爽口彈牙！
百葉豆腐 $48
見餐牌推薦所以試下，口感同一般豆腐唔同，軟綿Q彈，似食緊魚蛋，但就唔係好索湯。
稻庭烏冬 $38
一份有2個，烏冬口感煙韌吸湯，仲俾埋一個小筲箕俾我地淥，唔洗續條續條夾返上嚟食，好貼心！
食完諗住叫店員關左個爐，但佢話有兩款甜品係餐廳送既，其中一款錦鯉糖不甩仲要係湯底到煮。聽完覺得有啲奇怪，咁咪又咸又甜，但店員話唔會仲好好食。錦鯉年糕放湯底煮8分鐘撈起，剪細再混合花生糖碎一齊食，食落完全無咸味，淨係食到花生糖碎味，口感煙煙韌韌，好好食！
另一款係花奶啫喱杯，上面仲有一把遮仔做裝飾，童年回憶返晒黎。
整體來講係一間性價比高火鍋店，湯底唔算貴，真材實料，飲完唔會口渴，而且店員服務都好好，時不時會幫我地撇走湯上面既泡，好貼心！
张贴
