同撈同煲 (堅拿道西)

营业中

休息中

九龙城人气火锅店开到去铜锣湾，以怀旧六七十年代嘅香港为主题，装潢独特，适合打卡。食物方面主打多款特色火锅料理，除此之外更有刺身、海鲜、点心、小食、甜点、饮品等供应。火焰醉鸡煲卖相一流，无得选择辣度，鸡块煮至入味但唔会过咸，另可加点要豆卜等配料去炒，建议可以自己额外落埋葱同芫荽，会令到整体口味升华咗，性价比高，值得一试🤣 火锅配料选择丰富，最特别嘅莫过于点心类别，从未试过攞嚟打边炉。酱汁凤爪有四大块，吸满汤汁，皮Q爽弹、鹌鹑蛋烧卖超级大粒，馅料饱满，好饱肚、灌汤小笼包可爱迷人，外层稍微厚但胜在咬落爆汁。记得留肚食呢度嘅前菜同小食，款色多样化，大件夹抵食。特别推介妃子笑，外层脆身，内馅弹牙、鸡软骨带咬口，炸至酥脆，搭配椒盐粉更惹味、即炸响铃同老友鬼鬼一定要趁热食！菜品方面都有唔少，简简单单要咗番茄同唐生菜，新鲜，鲜甜，健康，美味。最后以甜点作结，有自家制嘅鲤鱼造型糖不甩，即场用食完嘅汤底煮再沾上花生糖碎食，口感烟韧、另有插住把遮仔嘅啫喱杯，童年回忆返晒嚟。