祥榮餐廳

营业中

休息中

以前有食过几次，但见佢刚刚装修好，就同老公放工嚟食晚饭！新装修令餐厅更加整洁明亮、座位舒适，伙计服务态度热情殷勤，不错嘅第一印象！店员推介我哋点铁板T骨牛扒餐，随餐会跟例汤，我哋点咗中汤系消暑冬瓜汤，汤煲得好够火候，材料丰富，有冬瓜、瘦肉等，消暑健脾！随餐仲有餐包配anchor牛油，送上果阵仲系热辣辣呢！铁板T骨扒好大份，即使系铁板上都唔会过熟，生熟控制得啱啱好，肉质嫩滑，唔会太韧，亦唔系落咗松肉粉嘅牛扒嘅质地。食港式铁板餐例牌系配黑椒汁，祥荣嘅黑椒汁非常足料，有粗粒黑椒同蒜蓉，剩下嘅汁可以送饭，平时唔食饭嘅我都食咗一大碗！$152一个铁板牛扒嚟讲真系物超所值。三葱爆滑鸡煲经洋葱、蒜头爆香，非常惹味，而且肉质鲜嫩，啲肉一咬就离骨，唔会太咸，份量适中。配合港式茶餐厅风，我哋仲点咗红豆冰。红豆冰嘅红豆粒粒浑圆完整，未算超软腍但胜在有咬口，附粗饮管方便吸啜。但冰块就略嫌太大粒，如果系碎冰会更好，不过胜在红酒份量多，唔会俾奶嘅甜味盖过红豆味！适当我哋捧住个肚出返嚟，最后二人埋单都系$255，好抵食。