瑞士㗎啡室

营业中

休息中

今日行开荔枝角，行到肚饿，想去茶餐厅食下野，同朋友经过瑞士㗎啡室，见到门面好有港式风味，比佢吸引住就试下啦。要赞呢度出餐效率超快，呢头嗌完，果头就上枱。👍🏻真系快靓正！嗌左个11点后可以嗌嘅「茶餐」——「沙嗲牛肉面配牛油多士同埋火腿奄列」($47)。上枱时冒烟，汤底够热。沙爷牛薄身，又滑又腍。沙爷酱微辣。面唔会太腍。多士烘得香脆，奄列馅料十足。加左$3嗌冻鲜奶🥛。午餐A：干炒鸡丝意粉($48)够镬气，色水虽然望落呈深啡色但唔会好咸。配菜有葱同洋葱，入口更香！跟餐送热饮。点左阿华田，又热又香。星级推介「梅菜扣肉饭」($52)梅菜甜甜地，扣肉大大嚿，肥瘦适中，好入味，汁够多，送饭一流！😋