孖寶車仔麵

营业中

休息中

读书时期间中都会行下葵广买衫，久未踏足，见到有间好多人食过嘅车仔面，由于依家呢类舖都买少见少，一于嚟食下以前好易食到嘅小食，支持下港式小店。嚟到都差唔多满座，一如既往，可以用纸叫𩠌拣面。三𩠌面包一杯热饮，价钱尚可接受，呢度比较特别，平时只有面可以拣，第一次见可以拣肠粉😯依家想食猪肠粉都几难，一于叫三𩠌面改叫肠粉。由于选择几多，最后叫咗四个𩠌，饮品加钱叫咗豆浆。上菜时肠粉烧卖同𩠌分开放，啲𩠌用公鸡碗上，份量足够。萝卜冇渣，软硬适中，系有少少咸。鱼蛋好够陈皮味，唔系粉嘅鱼蛋，口感非常好。牛肚煮得入味，唔韧。烧卖正常，食到鱼味。肠粉嘅热度啱啱好，食落嫩滑，食唔停👍🏼麻酱唔算多，但都够味。