旺角海鮮菜館

营业中

休息中

行经旺角，喺出面望到呢间装修好怀旧仲有鱼缸添，一于入去试吓啦😍🌟白灼韭菜花🌟白灼海蜇呢两个前菜都加咗麻油落去，味道好香😍海蜇口感爽脆，韭菜花冇草青味！😍🌟杏汁菜胆白肺汤好香嘅杏仁味，而且猪肺好嫩滑，而且好足料，足足有三旧猪肺再加白菜🥬🌟胡椒猪肚鸡汤好耐冇饮过嘅胡椒猪肚鸡汤，难得见到当然要叫一碗碗饮吓啦😍 鸡肉煲完唔柴，胡椒味好足够，饮完成身都暖笠笠😍两个汤相比之下，胡椒猪肚鸡汤味道更加浓郁😍🌟白胡椒粉丝蟹煲粉丝好入味，只蟹都好大只，上枱嘅时候好香，而且蟹钳亦都帮你卜开左，方便进食😍真系啖啖肉，好鲜味🦀🌟油浸虎杉斑平时食开清蒸嘅鱼，今次见到有呢个味道拣就试吓啦，原来又几好食🐟一上枱就觉得佢卖相好靓！炸到外皮脆卜卜，鱼肉嫩滑，有清蒸鱼嘅嫩滑又有炸鱼嘅香脆口感，一个价钱食两个味道好值阿😍最尾仲有个糖水🌟芋头西米露佢嘅西米露系大大粒，唔系平时出面食开𠮶只！平时唔食西米露嘅我都觉得呢一碗好好食有屋企嘅味道，而且芋头煲到好粉😍另外仲叫咗两支可乐，竟然系好怀旧嘅玻璃樽😍