源記甜品專家 (已結業)

周末在上环和西环一带闲逛，因为成日见到好多人介绍好多特别小店～所以趁天气好就来看一看～记得上次有星加坡朋友来香港极力推荐食呢间糖水，话系老字号同埋非常好食～身为香港人嘅我自愧不如....点解从来都唔知道有呢间糖水舖嘅呢？上次和朋友来，佢觉得好食到要食2转桑寄生蛋茶～自问对桑寄生蛋茶唔系太有fantasy，所以今次都系叫返个热辣辣嘅芝麻糊嚟食～由于系中午时份所以人唔多，唔驶等位二个人都可以占一张卡位嘅枱～芝麻糊食得出系生磨嘅唔系平时有啲糖水铺果啲加水开～好香芝麻味，同时带有少少苦味，可能因为系自己生炒芝麻～不过唔太甜都好！唔会话好似饮咗好多糖落肚咁～男友点咗合桃糊加蛋，我觉得好搞笑点解糖水可以加蛋嘅但系二者一起又无违和感！好神奇～2个糖水都食到我哋非常满足～然后我仲买多2件全蛋鸡蛋糕返屋企做宵夜个包装都好怀旧！个蛋糕好清甜～都几松化～有少少啲松糕咁～如果有机会可以试到热辣辣嘅蛋糕就好喇！