麵檔

营业中

休息中

公司附近开咗间车仔面店，午餐时间都几多人帮衬，今日第一次入嚟，原来系行复古style，舖头唔大但却充满怀旧色彩，门口嘅绿底白字胶牌、黑胶碟机、周慧敏同Beyond poster，𠮶个通窿嘅公屋墙身，仲有𠮶啲旧式收音机同埋热水壶，好系80年代。点餐可以用纸剔或者QR code，五𩠌只系$56 ，以铜锣湾呢个价钱来讲都算抵，今日我拣咗瑞士鸡翼、春卷、潮州爆汁牛丸、五香牛腩、鱼皮饺油面，每个𩠌至少有两件，所以都相当大碗，牛腩好林又入味，仲有四旧，呢个抵赖，另外瑞士鸡翼都好味，爆汁牛丸冇想像中咁爆炸，不过都可接受，鱼皮饺和春卷不过不失。另外嗌咗碟油菜同埋鲍汁鸡脚，份量都几多，鸡脚够林够入味，令人满意。