同撈同煲 (堅拿道西)

营业中

休息中

一讲打边炉当然要去九龙城，而今次系去位于铜锣湾嘅九龙城同捞同煲。一上到去见到怀旧风格嘅装修就系，好易认。天气开始凉，我哋叫咗个冬瓜美人锅汤底，店员会帮我地剪开只鸡，然后等一等滚起左就可以先饮汤，再食鸡，最后你就加配料打边炉。依度嘅店员会定时帮我哋隔泡隔油，仲会定时换碟加汤底，服务一流。海鲜系打边炉必不可少嘅𩠌菜，咁啱店员同我哋讲海鲜拼盘做紧优惠，一个价钱有三款海鲜，见咁优惠我哋就叫咗一份嚟试吓，啲海鲜嚟到仲有好生猛。除左海鲜，当然一定要叫埋牛肉喇，我地叫左份小安格斯牛肉，每块油脂分布刚刚好，而且好有牛味，必叫之选。其他配料：澳洲和牛丸都好好食，爽口弹牙。蟹棒都好岀色，仲要系有八吋长，记得渌一阵就要食如果唔系好快会散老友鬼鬼即叫即炸，配埋个泰式酱汁好开胃。甜品方面有怀旧啫喱，仲要系青柠味可以解济。另外一款怀旧甜品系糯米糍，但系最意想不到系，依度嘅糯米糍会造成鲤鱼形状放喺汤度滚一滚，然后再加花生糖，食落烟烟韧韧，又唔会觉得吸咗火锅汤底奇怪。值得一赞呢度嘅价钱唔贵而且服务质素一流，又可以同朋友来打卡，值得再黎多几次回味。