大榮華酒樓

营业中

休息中

同家姐第一次系元朗饮茶，念住星期六都要排一阵啦，呀！又即刻有位啦，不过要搭枱，好耐冇试过啦😂系童年回忆呀😆我地又冇乜所谓既～坐底要左壶普洱，不过可惜无咩茶味，都几淡下，就算沉耐左都系一样😅由于星期六日，早茶都系会比平日贵少少架啦，平日大中小点早茶都系$27，会抵食d。姜汁鸡包仔有姜味，涵料亦都够足，包外皮松软度适中😁荣华白莲蓉包系有蛋黄既莲蓉包呀～可能有d人唔钟意有蛋黄，但我同家姐觉得有蛋黄既莲蓉包先香😋同上一样，都系涵够皮好，实属推介👍香煎南瓜饼呢个就有d伏啦😨无论点睇都似煎年糕多过南瓜饼，问左员工都系话南瓜饼，好啦，咁可能会食落有南瓜味挂🤪食完一d南瓜味都冇，系真系似食紧年糕咁😐👎香煎虾米肠呢个正常返啦😂系正常既煎肠，肠粉都煎得香，冇过㶶，虾米分布亦算匀称煎酿青椒青椒每件够份量，唔会话好扁身，涵料唔系粉多，有食到足够鱼味，青椒亦都冇煎到好老😌白灼生菜生菜冇灼过龙，上菜时还是热的，蚝油和鼓油系分开上，方便客人自己调节口味👍总括而言，都尚算OK, 但系个南瓜饼真系好伏😢，茶都尚欠茶味，有待改善。