同撈同煲 (堅拿道西)

营业中

休息中

約咗一班朋友去打邊爐，放工近近地去咗銅鑼灣區，中心地點方便大家一齊去。火鍋店幾大、我哋坐咗喺卡位幾有私人空間。呢度幾有懷舊feel。地下、枱櫈、餐廳嘅牆都好懷舊。連茶壺、餐具等等都幾懷舊。湯底有好多選擇，見到網上好多人叫醉雞鍋，好似好正！我哋就揀咗呢個，雞係分開上，所以放落湯底唔怕老，雞肉好滑！湯底香濃，花雕酒味滾起飲覺得好濃郁。我哋鍾意食魚所以揀咗脆鯇骨腩，份量都幾多，魚非常新鮮、滾好後肉質好爽好好食！肉類叫咗黑豚肉及特級手切牛肉，黑豚肉配青瓜，我另外加蒜蓉好似蒜泥白肉咁。火鍋點少得肥牛，鍾意食手切肥牛，厚薄適中幾好食。點咗醬爆瀨尿牛丸，牛丸味幾香，入邊好似有啲牛肉汁咁。韭菜餃餡料夠足料、韭菜味好香！打完邊爐有甜品送，有啫喱同懷舊糖不甩。食完好滿足！