吉祥冰室 (已結業)

我妈妈买𩠌后必定嚟歇脚嘅茶餐厅，喺往朗屏邨天桥底下街市，餐厅装修非常新净光猛，有一点传统fusion复古风，用餐区主要为舒适的卡位。下午茶套餐相当抵食。以下推介几款我经常食嘅食物俾大家。下午茶餐生炸鸡髀🍗配鲜果沙律餐 🥗$42 ～必食生炸鸡髀相当出色，外层脆卜卜，肉质非常嫩骨多汁，而且鸡髀腌制得非常符合我口味，唔会过咸又有香浓嘅美极鲜味。西多士餐 $32 炸得非常香酥，牛油、花生酱都相当澎湃，加埋无限嘅糖浆，$32包埋嘢饮真系超值。常餐香煎鸡扒蕃茄浓汤通粉🍅🍲$48～必食配炒滑蛋香肠 丹麦多士（+2）呢个系我常餐最钟意食嘅配搭， 喺茶餐厅嘅蕃茄汤底竟然有香草味，炒蛋份量多而且香滑，鸡扒是必食的，与生炸鸡髀的腌制不一样，我至爱仍然都系炸得香酥但一啲都唔油腻。红豆奶茶（跟餐+$8）点餐可以加$8试吓佢哋嘅红豆奶茶，红豆软硬适中，茶香浓郁。阿华田雪山特饮(跟餐+$8)儿时至爱阿华田配上麦片的香味，健康得来又饱肚，岩晒爱健康既都市人。