影片
更多
2023-02-07
1315 浏览
老牌潮州菜最近进驻铜锣湾，港岛人唔洗过海都食到啦~ 新店位于V Point 28楼，坐拥维港美景，宽敞舒适，更设VIP房。店员服务态度相当唔错新店开张期间，凡消费满$400，即可获赠$100现金卷！▪️卤水双拼 $230 (鹅肉$110 + 墨鱼 $120）鹅肉肥美软淋带咬口，墨鱼微弹唔韧。卤水甜甜地，香料味偏淡，胜在入味唔死咸。▪️香酥芋蓉鸭 $300/半只传统潮州名菜：香酥芋蓉鸭 工序繁复，已经唔系好多地方可以食到。蜂巢状嘅外皮相当酥脆，去骨鸭肉软腍多汁，芋蓉软绵，肉香油香兼备。▪️胡椒咸菜炖猪肚汤 $100/位冬天必饮胡椒猪肚汤，饮完成个人暖笠笠。入口胡椒味浓得黎唔会好呛，猪肚炖到好腍之余，瘦肉又keep到软腍唔柴~▪️榄菜肉碎炒饭 $180一上枱超香！炒饭好有镬气，饭粒干身兼粒粒分明，榄菜增添左唔少咸香。▪️萝卜肉排春菜煲 $200潮州经典家常菜~ 萝卜入味 软淋无渣，春菜唔老 索满汤汁，排骨大大旧 软淋唔柴，汤头尤如家常菜汤，够味得黎饮多几啖都唔会口渴。▪️福果清心丸绿豆爽 $60第一次食绿豆爽，绿豆唔会煮得太软绵，保留左爽脆嘅口感。呀妹真系超钟意食软滑烟韧嘅清心丸！整碗清甜唔腻，作为饭
新店开张期间，凡消费满$400，即可获赠$100现金卷！
▪️卤水双拼 $230 (鹅肉$110 + 墨鱼 $120）
鹅肉肥美软淋带咬口，墨鱼微弹唔韧。卤水甜甜地，香料味偏淡，胜在入味唔死咸。
▪️香酥芋蓉鸭 $300/半只
传统潮州名菜：香酥芋蓉鸭 工序繁复，已经唔系好多地方可以食到。
蜂巢状嘅外皮相当酥脆，去骨鸭肉软腍多汁，芋蓉软绵，肉香油香兼备。
▪️胡椒咸菜炖猪肚汤 $100/位
冬天必饮胡椒猪肚汤，饮完成个人暖笠笠。入口胡椒味浓得黎唔会好呛，猪肚炖到好腍之余，瘦肉又keep到软腍唔柴~
▪️榄菜肉碎炒饭 $180
一上枱超香！炒饭好有镬气，饭粒干身兼粒粒分明，榄菜增添左唔少咸香。
▪️萝卜肉排春菜煲 $200
潮州经典家常菜~ 萝卜入味 软淋无渣，春菜唔老 索满汤汁，排骨大大旧 软淋唔柴，汤头尤如家常菜汤，够味得黎饮多几啖都唔会口渴。
▪️福果清心丸绿豆爽 $60
第一次食绿豆爽，绿豆唔会煮得太软绵，保留左爽脆嘅口感。呀妹真系超钟意食软滑烟韧嘅清心丸！整碗清甜唔腻，作为饭后甜品都唔错~
▪️茗茶 $22/位
▪️花生 $25/小碟
张贴
