嘉樂冰廳 (新村街)

营业中

休息中

🥢 香港嘅冰室好似宝藏咁，好值得我地去寻觅，今次我地去左荃湾长龙店 嘉乐冰厅！呢间餐厅坐落系杨屋道街市后面嘅横街小巷，揾佢出黎都花左小小时间，餐厅冇一个好吸睛嘅门口，但系佢门口出面嘅人流已经话到比你听佢有几受欢迎👍🏻 Menu上嘅食物价钱呢都非常之合理，就算叫多几份唔同嘅嘢食都唔会好肉赤，可以好好enjoy👎🏻 繁忙时间搭枱系人之常情’如果要自己独立坐一枱嘅话，恐怕你要等一段时间啦，同埋大家唔好谂住好休闲咁啦，佢里面咁繁忙点会俾你坐咁耐🥲⏳ 我觉得上菜速度都好合理，就算喺繁忙时段都唔会话要等成15 20分钟先上到一份三文治 ✨ 鲜牛肉蛋三文治餐厅里面冇10枱都会有9枱人枱面叫左三文治🥪 性价比可以话系超高！分量十足绝对可以食饱你！三文治里面嘅蛋系超级厚而且牛肉嘅份量亦都唔少，味道唔会过咸同鸡蛋嘅配合可以话系天衣无缝！✨ 阿华田脆脆啲脆脆净系得小量喺杯嘢饮嘅面，呢样嘢就有啲失望，如果分量稍为增加会比较好啲，而杯嘢饮就系普通嘅阿华田同普通茶餐厅嘅水准亦都一样食🉐指数味道：🉐️🉐️🉐️🉐️环境：🉐️🉐️🉐️🉐️服务：🉐️🉐️🉐️抵食：🉐️🉐️🉐️🉐️